Ocupará o posto de adxunto ao vicepresidente executivo do club e tamén adestrará na Escola Deportiva Cabreiroá Burela FS.
Burela, 25 de agosto, 2023. Óscar Antonio Ordóñez Sánchez foi presentado na tarde de onte, nun acto celebrado xunto ao presidente do Pescados Rubén Burela FS, Manuel Blanco, como unha das últimas incorporacións ao persoal de dirección do club. Exxogador desta casa, Óscar Ordóñez realizará as funcións de adxunto ao vicepresidente executivo e adestrador do equipo infantil masculino da Escola Deportiva Cabreiroá Burela FS.
Óscar ten unha ampla experiencia no mundo do futsal, primeiro como xogador e despois como adestrador, tanto en equipos masculinos como femininos.
Con máis de 20 tempadas disputadas en División de Honra e División de Prata, debutando na tempada 89/90 nas filas do Keralite Macer (despois Playas de Castellón), Óscar Ordóñez xogou nunha gran cantidade de importantes equipos do noso país como El Pozo Murcia, Tenerife Coelca Toscal, Rías Baixas de Pontevedra, O Parrulo Ferrol y Pescados Rubén Burela FS (no que militou tres tempadas).
Durante o seu período en activo como xogador, Óscar logrou ser convocado como internacional por España na tempada 93/94.
Ademais, Óscar Ordóñez conta cunha ampla formación e experiencia como adestrador. Entre outros postos, foi primeiro adestrador do equipo feminino CD Bimil-lenari FS de 1ª División na tempada 07/08, primeiro adestrador do Xaloc Alacant FS de 3ª División na tempada 10/11 e 2º adestrador do equipo senior masculino CD Bimil-lenari FS, co que conseguiu un campionato rexional e varios ascensos.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
