Burela, 31 de agosto, 2023. Alejandro García Muñoz, Álex García, chega cedido do Noia Portus Apostoli para completar o equipo formado polo adestrador santiagués, David Rial, para esta próxima tempada 2023/2024 xunto aos 13 xogadores que conforman o cadro mariñán. O manresano de 21 anos fórmase na canteira do Barça durante 6 anos e xoga no filial na tempada 2021/2022. A tempada pasada, 22/23, comeza xogando no U.D. Ibiza pero ficha polo Noia no mercado de inverno. Xogador internacional coa Selección Española sub-17, sub-19 e sub-21 foi campión de Europa sub-19 en setembro do ano pasado, no campionato disputado en Jaen. Outra nova e importante incoporación ao equipo, o á zurdo estará xa á disposición de David Rial para poder debutar este sábado 2 de setembro en Benavente e o vindeiro sábado día 9 podería ser a súa estrea en Vista Alegre fronte a O Parrulo Ferrol.
Manuel Blanco, presidente do CD Burela FS, sabe que é unha boa aposta para o club, “Máis xente nova, outra achega na liña das demais para o equipo masculino deste ano, con forza e enerxía para conseguir chegar aos obxectivos propostos. Campión de Europa coa Selección Española sub19 a pasada tempada, é un xogador de gran calidade a pesar da súa mocidade e vaise adaptar ben ao conxunto que formamos para este ano. Esperamos que aporte “gol” ao equipo, dar ao ataque outro reforzo, sobre todo tendo en conta as baixas de Pitero e Rikelme, durante estes primeiros meses nos que arrinca a competición. Creo que temos un equipo moi competitivo para esta próxima tempada.”
O xoven xogador catalán chega coa ilusión e ambición de poder xogar e aportar o máximo a un equipo ao que segue, “Do Burela interesáronme os seus obxectivos, pero tamén a súa traxectoria, é un club ao cal sigo. O ano pasado quedou ás portas de subir tras unha tempada excelente”. Sobre o que espera aportar e levar deste próximo ano en Burela, “Espero aportar as miñas cualidades ao máximo, o esforzo e o traballo diario. E levarme experiencia, coñecementos e, sobre todo, bos momentos co equipo, co club e a afección”. Sobre os seus obxectivos persoais e en equipo para a próxima tempada, “Os obxectivos que me marco é primeiro de todo tentar superar o realizado a tempada anterior, mellorar en todos os aspectos posibles. E obviamente conseguir levar a este club onde merece estar, que é Primeira División”. E deixa unha mensaxe á Familia Laranxa, “Estou desexando poder desfrutar de todos vós, coñecervos e vivir un partido sentindo o voso apoio ao máximo, que sei que sempre o dan. É un pracer formar parte deste club”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
