O Partido Popular non aportou nin unha soa suxestión ou idea a este órgano consultivo e de participación en apoio do sector turístico dende a súa creación en outubro de 2018 e as faltas dos seus representantes foron continuas
Lugo, 12 de setembro de 2023. Cero propostas e múltiples ausencias. Este é o balance do que pode presumir o PP no seo do Consello Provincial de Turismo, segundo consta nas propias actas deste órgano consultivo e de participación dende que foi constituído, en outubro de 2018.
Os sucesivos membros do Partido Popular no Consello non fixeron en cinco anos nin unha soa suxestión, nin aportaron nin unha soa idea no marco desta entidade, actuando durante todo este tempo como meros figurantes. Iso cando acudiron, porque as faltas dos representantes populares foron continuas. De feito, a presidenta provincial do partido, Elena Candia, só acudiu a unha sesión e a outra chegou tarde. Tal foi “a desconsideración e o pasotismo” do Partido Popular que a propia Candia nin sequera estivo no pleno do Consello do ano 2019 no que se aprobaron as bases dos premios á excelencia turística e gastronómica que agora critican.
O “nulo interese” e o “desdén” que demostraron durante todo este tempo cara o Consello de Turismo fai que estean “totalmente deslexitimados” para cuestionar o intenso traballo que si realizaron os técnicos e o Goberno provincial, que fixeron todo o posible para sacar adiante os premios á excelencia gastronómica e turística, así como outras iniciativas e proxectos de interese para impulsar o sector, como son os programas Coñece a túa Provincia, Saborea a túa Provincia, o ingreso da provincia na Ruta Transrománica –a de maior entidade en Europa-, rutas gratuítas polo patrimonio románico, as rutas fluviais pola Ribeira Sacra, o apoio a festivais e a rodaxes de películas ou, durante a pandemia, a colaboración co sector servizos a través dos concellos.
A Deputación de Lugo seguirá nesta mesma liña de traballo porque o sector turístico, ao igual que o primario, ten unha “importancia estratéxica” para a provincia.
Antes de saír a criticar, o Partido Popular “debería facer exame de conciencia” para non caer na “incoherencia” e no “máis lamentable ridículo”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
