“Aplicar a perspectiva de xénero en toda a acción política que desenvolve o Goberno provincial é un dos obxectivos que marquei como Presidente da Deputación de Lugo, e este proxecto, no que vamos da man de entidades de referencia no ámbito deportivo, responde a ese compromiso”, apuntou José Tomé
Lugo, 14 de setembro de 2023. O Presidente da Deputación de Lugo, José Tomé Roca, presentou este xoves no Pazo de San Marcos Unha tripla pola igualdade, unha nova iniciativa impulsada pola institución provincial para “visibilizar, apoiar e fomentar o deporte feminino a través dun completo programa de actividades que arrancarán este mesmo sábado e continuarán ata finais de ano”, e aproveitar esa proxección para “seguir avanzando en igualdade”.
José Tomé compareceu no acto de presentación do proxecto xunto á Deputada de Muller e Igualdade e Alcaldesa de Guitiriz, Marisol Morandeira; o presidente da Asociación Xuvenil Sagrado Corazón, Rubén Engroba; o presidente do Ensino, Manuel Durán; ás xogadoras profesionais do equipo Esther Castedo e Bea Sánchez; e ao director da publicación Líder Deporte Lucense, Javier Ferreiro, todas entidades colaboradoras da iniciativa.
Explicou José Tomé Roca que a programación de Unha tripla pola igualdade combina unha parte competitiva, cun encontro de pretempada do Ensino e o Celta de Vigo e un torneo feminino en categorías de formación; visitas a centros escolares das comarcas lucenses nos que as xogadoras profesionais contarán aos nenos e nenas as dificultades das mulleres para chegar á elite do baloncesto; e unha mesa redonda con referentes do deporte de elite galego e nacional.
Agradeceu o Presidente a presencia das diferentes entidades colaboradoras, como a Asociación Xuvenil Sagrado Corazón, “que ten unha dilatada experiencia na celebración de torneos de baloncesto na cidade de Lugo”; do Ensino, que “non necesita presentación porque é un dos clubs de Galicia con maior tradición en baloncesto feminino e con máis temporadas na máxima categoría nacional”; e doutras entidades como o Concello de Guitiriz, que cede as súas instalacións deportivas para os partidos que se disputarán.
“Aplicar a perspectiva de xénero en toda a acción política que desenvolve o Goberno provincial é un dos obxectivos que marquei como Presidente da Deputación de Lugo, e este proxecto que hoxe presentamos, no que vamos da man de entidades de referencia no ámbito deportivo, responde a ese compromiso de avanzar na senda cara unha sociedade máis igualitaria e máis xusta”, subliñou o mandatario provincial.
“O deporte ten un gran poder para transmitir valores e para transformar a sociedade porque é o espello no que se miran centos de miles de persoas. Precisamente, estámolo comprobando nestes días coas campioas do mundo de fútbol feminino”, destacou o Presidente. Por iso, “dende a Deputación de Lugo apostamos polo deporte como un gran aliado para seguir avanzando en igualdade”, asegurou José Tomé.
Un amigable do Ensino e torneo de formación
O programa Unha tripla pola igualdade arrancará este sábado, ás 19.00 horas, co último partido de pretempada do Ensino Lugo. As lucenses enfrontaranse nun amigable ao Celta de Vigo no pavillón Jonathan Carro de Guitiriz, que ten capacidade para unhas 300 persoas. A entrada será gratuíta para o público asistente.
No mesmo pavillón da localidade guitiricense, celebrarase a fin de semana do sábado 23 e domingo 24 de setembro, un torneo feminino en categorías de formación, para nenas de Infantil e Cadete. Haberá catro equipos por categoría, que chegarán desde diferentes puntos da xeografía galega.
600 escolares da provincia
Outra das patas importantes da iniciativa, tal e como explicou o Presidente, serán as visitas escolares. Están previstos diferentes encontros entre o corpo técnico e xogadoras profesionais do Ensino, que percorrerán as diferentes comarcas da provincia para intercambiar xogos e impresións co alumnado para explicarlles as dificultades que tiveron para chegar a elite do deporte. Tomé Roca avanzou que as citas serán en diferentes centros dos concellos de Burela, A Fonsagrada, Samos, Antas de Ulla, Castroverde e Monforte de Lemos, e participarán máis de 600 nenos e nenas.
Unha tripla pola igualdade contará ademais cunha mesa redonda que se celebrará a finais de ano, nunha data aínda por definir, no Pazo de San Marcos. Diferentes referentes femininas no deporte de elite galego e nacional intercambiarán as súas experiencias persoais para chegar á elite do deporte.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
