O adestrador do equipo masculino do Pescados Rubén Burela FS que acariciou o ascenso a Primeira División a tempada pasada, continuará ligado á entidade laranxa ata Xuño de 2026.
Burela, 17 de setembro, 2023. David Rial Bello, David Rial, chegou a un acordo co CD Burela FS onde continúa ao mando do do equipo masculino do Pescados Rubén Burela FS ata xuño de 2026. Tras unha gran tempada pasada onde conseguiu crear un equipo moi especial e unido que fixo unha tempada exemplar, quedándose ás portas do ascenso a Primeira División. Tras un segundo posto na clasificación da competición ligueira cuns números espectaculares e despois de gañar a primeira fase dos Playoff ante o Sala 10 Zaragoza, quedarían ás portas do ascenso ante o Alzira cun final de infarto de sobre recordado pola Familia Laranxa. Este ano o novo adestrador santiagués terá a oportunidade de volver tentalo creando un equipo bastante renovado para esta tempada 2023/2024, cunha plantilla moi nova e atrevida, que promete seguir dándonos bos momentos no pavillón de Vista Alegre.
David Rial a pesar da súa xuventude, 31 anos, entra no Santiago Futsal como adestrador da base en 2009, club onde se formaría tras pasar por todas as categorías inferiores do mesmo, chegando a ser segundo adestrador do do primeiro equipo, o Santiago Futsal do 2018 ao 2020, así como da Selección Galega Sub19 do 2015 ao 2018. Foi tamén primeiro adestrador do Santiago Futsal durante dúas tempadas así como da Selección Galega Sub19 na 2018/2019. Na tempada 2022/2023 ficha polo Pescados Rubén Burela FS onde continuará como primeiro adestrador ata 2026, ademais do seu importante involucramento cos equipos da base das Escolas Deportivas do club.
O presidente do club, Manuel Blanco, móstrase encantado de continuar con Rial á fronte do equipo, “Estamos encantados de seguir con David, o ano pasado aportou un aire fresco ao equipo, con xente nova, tanto el como os xogadores e tivemos un nivel moi bo a piques de acadar o ascenso”. Fala da multifuncionalidade do adestrador, “David non só está a adestrar ao primeiro equipo e creando unha gran ilusión na afección, tamén está moi involucrado nas categorías inferiores, que son moi importantes para nós. É un gran traballador, unha excelente persoa dentro e fóra do traballo. Sigamos este ano coas boas sensacións da tempada pasada e tentando chegar o máis arriba posible a ver se podemos, este ano tamén, loitar polo ascenso”
David Rial móstrase agradecido ao club, “En primeiro lugar agradecer a Manolo, a toda a directiva e, en especial a Jose Luís, pola confianza depositada en min hai un ano e reforzándoa hoxe con esta renovación, dándolle maior estabilidade a medio prazo ao proxecto deportivo que estamos facendo no club. A nivel persoal estou moi contento de poder quedarme aquí, de poder estar nun lugar exemplar a nivel deportivo no panorama nacional. Creo que hai poucos clubs coa estrutura profesional que ten este e iso fala moito e moi ben da xestión que fai toda a directiva encabezada por Manolo, sustentar un equipo en Primeira División Feminina e un en Segunda División Masculina loitando por cotas moi altas, é moi difícil”. Sobre esta próxima tempada “Tratar de seguir transmitindo o que transmitimos a tempada pasada, que foi un cambio grande no rumbo do proxecto deportivo do club. Desde o primeiro día entendímonos o club e máis eu, e iso chegou á xente, que tamén se sente identificada co que facemos e como o facemos, e ese era o obxectivo, que cada día que veñan aquí se sintan identificados con nós, que desfruten do que facemos pero sobre todo que desfruten de como o facemos e do que transmitimos. A partir de aí trataremos de que os resultados sexan o mellores posibles, xa que evidentemente son importantes neste deporte, tentaremos loitar por estar o máis arriba posible e volver intentar ese ascenso a Primeira División durante esta tempada”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
