A deputada Iria Carreira denuncia que o persoal fai centos de horas extra, percibe retribucións un 30 % por debaixo de traballadores análogos de outras administracións e carece, en moitos casos, dos medios necesarios
Santiago de Compostela, 21 de setembro, 2023. A deputada do BNG Iria Carreira reclamou hoxe á Xunta do PP “máis dilixencia e máis implicación” na negociación co persoal dos parques comarcais de incendios, que levan en folga dende o pasado 16 de xuño para reclamar mellores condicións laborais a través dun proceso de negociación colectiva. Unha protesta que, lembrou, consiste en non facer horas extraordinarias de maneira voluntaria e que está a ter “consecuencias reais”, en alusión aos peches de parques que houbo este verán e ao “risco que isto supón para a poboación”.
No transcurso dunha pregunta parlamentaria ao director xeral de Emerxencias, Santiago Villanueva, a deputada nacionalista subliñou as “condicións de precariedade” dos traballadores que foron subrogados logo de que os parques dos consorcios provinciais de incendios, antes externalizados polo PP en empresas privadas, pasasen a ser de xestión pública.
Denunciou, neste sentido, que os traballadores dos parques comarcais fan de media máis de 2.200 horas ao ano, “moito por riba” das 1.682 dun funcionario público ou das 1.800 que lle corresponden, “polo que a ausencia de realización de horas extra e a escaseza de persoal está a provocar que diariamente estean pechados distintos parques por falla de efectivos”, agregou. Pasou este verán, subliñou, cos parques de Viveiro, O Carballiño, Santa Comba, Vilagarcía, Arzúa ou Ordes, entre outros.
“Estamos a falar dun persoal que non só fai centos de horas extraordinarias, senón que percibe unhas retribucións inferiores nun 30 % aos dos traballadores análogos doutras administracións públicas, precariedade á que hai que engadir a carencia, en moitos casos de medios materiais que dificulta ás intervencións”, criticou Iria Carreira, quen censurou tamén se estean derivando aos parques comarcais traballos que corresponden a Seaga, como ocorre coa retirada de niños de velutina.
Iria Carreira aproveitou a súa iniciativa na Comisión 1ª do Parlamento para volver a reclamar a integración como persoal laboral fixo dos Consorcios Provinciais contra Incendios e Salvamento de todo o persoal no que concorran as condicións establecidas na sentenza do Tribunal Supremo que lles recoñece a condición de indefinidos aos subrogados que na empresa privada tiveran esta condición “sempre que esta non se adquirise por contratación en fraude de lei”.
Lamentou, ao respecto, que só a Xunta se negase a regularizar as relacións laborais destes profesionais, aos que si lle recoñeceron o seu dereito a ser persoal fixo os presidentes dos consorcios provinciais, entes integrados pola Administración autonómica e as deputacións.
Carreira lembrou que o BNG xa levou ao Parlamento unha iniciativa o pasado 29 de xuño na que tamén se reclamaba a elaboración e aprobación, previa negociación conxunta coas deputacións e a representación dos e das traballadoras, dun convenio colectivo para todos os consorcios provincias de Galiza. “A pesar de toda a situación xurídica, sindical e de persoal, e incluso co risco que ten para a poboación, o PP votou en contra”, lamentou a deputada, que de novo esixiu á Xunta “responsabilidade” para buscar solucións ao conflito.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
