Realizaranse servizos de control e vixilancia do tráfico nas vías interurbanas por parte da Agrupación de Tráfico da Garda Civil
Lugo, 9 de outubro de 2023. A subdelegada do Goberno, Isabel Rodríguez, participou hoxe no inicio da campaña da DXT para o control especial sobre distraccións ao volante, un dos factores concorrentes nun 31% de accidentes mortais. Presentaron a campaña na nacional sexta, á entrada da cidade de Lugo, onde a subdelegada estivo acompañada polo tenente e xefe adxunto do subsector de Tráfico da Garda Civil, José Manuel López Santiso, así como o presidente da Asociación de Lesionados Modulares e Discapacitados Físicos ASPAYM, Francisco Javier Vieites e o vicepresidente da asociación, Manuel Vázquez.
Debido á alta porcentaxe de accidentes que se producen nas estradas convencionais e coincidindo coa ponte do Pilar, desde este luns 9 de outubro e ata o domingo 15 reforzaranse controis nos tramos máis perigosos coa presenza das patrullas integrais de motoristas da Agrupación de Tráfico da Garda Civil. Estarán equipadas con medios portátiles para realizar accións de control de velocidade e probas de detección de alcohol e drogas de forma automática sen necesidade de apoio dos Equipos de Atestados nin dos de control de velocidade.
Na provincia de Lugo, durante o ano pasado as distraccións ao volante estiveron presentes en 8 dos 17 sinistros mortais rexistrados en vías interurbanas, é dicir, máis do 45%, así como no 40% dos accidentes con persoas hospitalizadas e no 26% do total de sinistros con vítimas.
No que vai de 2023, en 4 dos 9 sinistros mortais rexistrados na estrada volveu a intervir este factor (45%, practicamente como o ano pasado). En canto ao total de sinistros con vítimas, a cifra tamén é elevada: un 37%.
Campaña
Esta campaña enmárcase dentro da Estratexia Española de Seguridade Vial 2030, de acordo cos parámetros da Axenda 2030, co obxectivo de reducir o impacto das condutas de maior risco mediante a aplicación das novas tecnoloxías, en particular, a vixilancia do uso do teléfono móbil.
Isabel Rodríguez fixo un chamamento á cidadanía para “alertar da importancia de centrar a atención na circulación, pois durante os últimos anos, os meses de outono adoitan ser a época con máis accidentes: 7 falecidos en 2019 durante o período setembro-decembro, 6 en 2020, 4 en 2021 e 6 en 2022”.
Así mesmo, explicou que “esta campaña é esencial para contribuír á redución de actitudes que poñen en risco a seguridade da circulación, así como as vidas dos condutores e condutoras”, agradecendo “o compromiso dos corpos e forzas de seguridade para detectar estas condutas irresponsables”.
Un 76% dos condutores españois recoñecen conducir o seu vehículo mentres están distraídos con certa frecuencia. O 23% afirma que realiza un seguimento de mensaxes de texto no seu móbil ao volante, e un 22% recoñece falar por teléfono sen o dispositivo en mans libres.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
