A subdelegada manda unha mensaxe de apoio e de forza a todos os cidadáns dos concellos nos que se provocou o lume, á espera de que vaia mellorando coa chegada das precipitacións á provincia e o amaino do vento
Lugo, 13 de outubro de 2023. A subdelegada do Goberno, Isabel Rodríguez, desprazouse esta mañá ata os municipios de Ribadeo e de Trabada para analizar e observar a situación vivida nestas últimas horas por mor dos incendios. A subdelegada agradeceu o labor que están a realizar todos os axentes dos distintos corpos para extinguir o lume, poñendo todos os medios ao seu alcance para sufocalos canto antes.
Rodríguez, que xa estivo na xornada de onte en Trabada, quixo enviar unha mensaxe de apoio e de forza a todos os cidadáns que se están vendo afectados pola situación, á espera de que vaia mellorando coa chegada das precipitacións á provincia e o amaino do vento.
No día de hoxe, acudiu á comandancia da Garda Civil de Ribadeo, onde mantivo un encontro con axentes deste corpo, así como coa Policía Nacional, Protección Civil, Emerxencias e o Grupos Especial de Seguridade (G.E.S) para estudar a situación e os protocolos a seguir, analizando a evolución que están a ter os incendios e as previsións meteorolóxicas.
Tamén se achegou ao posto de mando de Ribadeo, ubicado nun dos puntos delicados na zona da Devesa, xunto co alcalde de Ribadeo, Daniel Vega, e outras autoridades. Posteriormente regresou a Trabada, onde se reuniu coa alcaldesa do concello, Mayra García, o presidente da Deputación de Lugo, Tomé Roca, e o deputado provincial Pablo Rivera.
Isabel Rodríguez remarcou o esforzo que está a facer a Garda Civil, Policía Nacional, Emerxencias e Protección Civil na súa implicación durante estas xornadas tan difíciles, destinando todos os medios para atallar este problema a través da disposición de efectivos e dando información e apoio aos veciños dos municipios cercanos ao foco, especialmente ás persoas das vivendas que se evacuaron. Tamén puxo en valor a importancia do subsector de tráfico, que estivo alerta en todo o referido ás estradas, habilitando os cortes necesarios para protexer á cidadanía.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
