O luns arrinca unha nova edición de ‘Preto de ti’, un conxunto de actividades organizadas para dinamizar as parroquias ribadenses

Haberá ximnasia, estimulación cognitiva ou traballos manuais. Tamén está previsto facer teatro ou cursos de cestería e envasad

Ribadeo, 28 de outubro de 2023. O vindeiro luns, 30 de outubro, arrinca unha nova edición de Preto de ti, un conxunto de actividades organizadas para dinamizar as parroquias ribadenses. O programación foi presentada polo alcalde, Dani Vega, e pola concelleira de Benestar Social, Elena Sierra.

O rexedor explicou que “bota a andar Preto de Ti, un conxunto de actividades que queremos acercar a todas as parroquias, a todos os lugares”.

Vega dixo: “eu en primeiro lugar quero felicitar aos técnicos municipais da Concellería de Benestar Social por todo o traballo que están a realizar; isto é grazas a eles. Tamén ás traballadoras que van levar a cabo todo o traballo en Preto de ti. E ademais á concelleira Elena Sierra, que grazas ao seu empeño e á súa dedicación Preto de ti é unha realidade”.

O alcalde indicou que “este conxunto de actividades que vamos realizar por todas as parroquias inclúen dende traballos manuais, de estimulación cognitiva -o que coñecemos todos por memoria-, a tecnoloxía do móbil, ximnasia de mantemento, lectura e escritura creativa,… Con este conxunto de iniciativas imos iniciar Preto de ti o luns 30”.

E seguiu a relatar: “isto é a primeira parte, pero Preto de ti é moito máis: tamén queremos facer teatro, cursos de pintura, de envasado, de costura,… En definitiva o que queremos é que haxa moita actividade durante todo o ano en Ribadeo e no conxunto das parroquias. Polo tanto Elena Sierra concretará máis o que é Preto de ti e en lugares vai haber esta actividade tan importante para o goberno municipal, tan importante para Ribadeo e, dende logo, vamos seguir traballando conxuntamente para que Preto de ti continúe avanzando”.

A concelleira de Benestar Social, Elena Sierra, contou que “el 30 de octubre empieza una nueva andadura con el programa Preto de ti, que tiene el objetivo de dinamizar el día a día de nuestros vecinos en todos los puntos de nuestro ayuntamiento”.

A edil ribadense sinalou que “se llevarán a cabo diversas actividades como gimnasia, manualidades, estimulación cognitiva y también de manera puntual queremos realizar cursos de cestería, pintura y labores. Como no podía ser de otra forma no faltará tampoco el teatro.

En engadiu que “Preto de ti llegará entre otras parroquias a Vilela, Anzas, Vilaframil, Remourelle, Couxela, Vilaselán, Ove, Santalla, Cinxe y Ribadeo”.