O presidente da Xunta visitou as instalacións do Grupo Lence en Lugo
Lugo, 7 de novembro de 2023. O presidente da Xunta, Alfonso Rueda, destacou hoxe ao sector lácteo coma un dos motores da economía do rural galego e agradeceu a súa contribución a difundir a marca Galicia calidade fóra da comunidade. “Temos empresas das que presumir, que nos representan e que están collendo cada vez máis potencia nun mundo cada vez máis difícil polo competitivo que se fai”, asegurou.
Durante unha visita a un dos centros pertencentes ao Grupo Lence en Lugo, o titular do Goberno autonómico lembrou que Galicia é unha “potencia láctea” xa que máis do 40% do leite que se produce en España ten orixe nunha granxa galega e que é a comunidade na que máis aumentou a produción nos últimos cinco anos.
“É fundamental que empresas como as que conforman este grupo sigan funcionando porque moven o noso rural, que hai que modernizar, hai que facer fronte a todos os retos, a todos os desafíos, a todos os perigos que hai agora mesmo. Hai que manter toda a actividade dun rural como o galego que non pode esmorecer en ningún caso”, indicou.
Neste sentido, o titular do Goberno autonómico comprometeu o apoio da Xunta a favor deste sector, ao que destina cada ano 100 millóns de euros no seu conxunto e que conta con medidas específicas para os gandeiros coma a Contaláctea -unha ferramenta dixital para mellorar a xestión das explotacións- ou axudas directas para promover investimentos nas granxas ou incentivar a remuda xeracional.
Grupo Lence, un referente
Alfonso Rueda salientou a contribución de empresas como Grupo Lence a construír unha Galicia puxante e potente que aposta por medrar e expandirse sen renunciar as súas orixes. Neste caso, o presidente agradeceu á dirección desta empresa familiar que todo o leite que recolle e transforma sexa de granxas galegas, o que axuda a xerar riqueza e emprego no agro da comunidade.
“Se o noso agro segue tendo oportunidades de traballo e capacidade para responder unha demanda cada vez máis esixente, iso tamén quere dicir que Galicia ten futuro”, asegurou.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
