O popular interesouse polos avances na tramitación para a construción da nova depuradora nunha reunión coa directora de Augas de Galicia na que constatou que: “o Concello é o que ten que dar os pasos” xa que o ente autonómico “ten todo contratado e deberían estar xa iniciadas as obras”
Foz, 10 de novembro de 2023. O portavoz do Grupo Municipal Popular de Foz, Javier Castiñeira, interesouse polos avances na tramitación da construción da nova depuradora de Foz nunha reunión coa directora de Augas de Galicia, Teresa Gutiérrez. “Queríamos saber o motivo de que non se empecen as obras da depuradora que iniciamos dende o goberno do PP conseguindo un orzamento de máis de 12 millóns de euros”. E “a día de hoxe é o Concello o que ten que dar os pasos”; xa que “Augas de Galicia ten todo contratado e debería estar xa iniciado”.
“O goberno do PSOE e BNG están máis preocupados por conservar o edificio da actual depuradora que por iniciar os traballos para a nova. Pedímoslle que se centre realmente no importante: iniciar os traballos da depuradora que é a maior inversión conseguida para Foz nos últimos anos. E fíxoo un goberno do PP. Quizás ese sexa o problema para o señor Cajoto”, apunta.
Durante a reunión tamén se interesou por coñecer o estado da tramitación da regularización da captación de auga de Cordido e da ampliación da captación xeral de Fazouro que afecta a todo Foz. Nese sentido, o portavoz traslada a súa “satisfacción” porque “en poucos días estará resolta a ampliación da captación de Foz, que afecta a dúas masas importantes no Plan Xeral que son a de Malates e Tras As Torres”.
Así mesmo, engade que “en poucas semanas, xa que o tema é máis complexo, estará legalizada a captación de Cordido”. Nese sentido, os populares amosan a súa “satisfacción” porque “lles dá aos veciños de Cordido a posibilidade de que se poda construír na parroquia, se o equipo de goberno é áxil para modificar o Plan Xeral”.
O popular reivindica que “o Partido Popular segue sendo útil para Foz. Neste caso, xestionando dende a oposición os temas que xa iniciara dende o goberno”.
DOCUMENTACIÓN MUNICIPAL
O Grupo Municipal do PP de Foz xa puidera comprobar fai unhas semanas, despois de revisar a documentación solicitada ao Concello, “a pouca dilixencia deste equipo de goberno, que leva máis de cinco anos para tramitar con Augas de Galicia a regularización de ambas captacións de auga”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
