Lugo, a 13 de novembro de 2023. A asemblea de traballadoras da limpeza celebrada esta mañá no edificio sindical de Lugo rexeitou por unanimidade a proposta trasladada pola patronal ASPEL na mesa de negociación do pasado venres. As traballadoras, que levan preto dun mes en folga por un convenio digno, consideran a oferta totalmente insuficiente xa que suporía seguir deixando o convenio por debaixo do SMI, polo que a folga continuará adiante até lograr un acordo xusto.
Na asemblea, apunta Asunción Castiñeira, da CIG-Servizos de Lugo-A Mariña, tamén se acordou que a parte social se manteña na proposta trasladada á patronal o 27 de xuño “porque non ten marxe de movemento”. Neste contexto, non se agarda ningún avance na reunión da comisión negociadora fixada para o 20 de novembro dado o inmobilismo da patronal e as súas pretensións de consolidar a pobreza salarial e a precariedade no sector.
Hai que subliñar que ASPEL (a patronal estatal que ten secuestrada a negociación do convenio provincial), despois de estar máis de tres meses desaparecida e de 26 días de folga indefinida, apareceu na xuntanza do venres cunha oferta de miseria que apenas varía o que xa estaba enriba da mesa pero coa pretensión de ampliar un ano máis a vixencia do convenio, até 2026.
Deste xeito, a patronal teima na conxelación salarial para o ano 2022 (cando o IPC real foi do 5,7%), incrementos do 4% para 2023, 2024 e 2025 e do 3% para 2026, sen ningunha cláusula de revisión. O único que mudan son as primas non consolidábeis de 272 e 200 euros xa ofertadas, que agora serían consolidábeis, pero nos últimos anos de vixencia do convenio. Ademais a patronal pretende estabelecer un prezo fixo do trienio cando a antigüidade actual é unha porcentaxe por enriba do salario base.
“Con esta proposta, denuncia Castiñeira, a patronal continúa a deixar as táboas por baixo SMI, co cal seguen absorbendo a antigüidade, e a maiores,estabelecer un prezo fixo por trienio implicaría que cada traballadora teña unha perda de 184 euros por cada trienio até 2026”.
As traballadoras -que só nos dous últimos anos perderon máis dun 12% da súa capacidade adquisitiva- consideran ridícula esta proposta e despois de case un mes de loita non están dispostas a renderse por unha esmola. Por iso, xa advertiron que continuarán adiante coa folga e as mobilizacións diarias até lograr un convenio en condicións dignas e iso pasa por conseguir, cando menos, uns incrementos salariais do 5,7% para 2022, do 5,5% para 2023, do 4% para 2024 e do 3% para 2025, e introducir unha cláusula de revisión ao corte (é dicir que opere no mes no que o IPC supere a suba pactada).
A CIG salienta que estas subas son totalmente asumíbeis por parte de empresas como Eulen, Clece, FFC, Acciona ou Ingesan que acumulan millonarios beneficios e que nos últimos anos se fixeron coas adxudicacións máis importantes dos contratos públicos ante o desleixo das administracións, que miran para outro lado diante dos abusos desta patronal avarenta.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
