Será o sábado e domingo de 11h a 14 – Con Sentidiño (rúa Ramón González, 24)
Ribadeo, 14 de novembro, 2023. Todas as persoas usamos moitas cousas e roupa. Mercamos moito máis do que precisamos. Xeramos unha chea de residuos téxtiles, electrónicos e plásticos que acabarán esquecidos nun contedor.
Temos a responsabilidade compartida de mudar ese modelo lineal de consumo nun modelo de consumo circular. Busquemos formas para darlle unha segunda vida ao que nós xa non precisamos!!
O I Mercadiño de Troco pretende fomentar a cultura participativa e de intercambio dentro dun ambiente de convivencia e solidariedade como alternativa ao conceptos de compra e venta que nos atormentan.
Neste I Mercadiño de Troco tés a oportunidade de intercambiar o que ti xa non usas, non che serve ou deixou de gustarche por algo que precisas, que queres renovar ou incluso regalar.
Deste xeito conseguiremos de forma conxunta tres obxectivos principais:
-Educar no consumo responsable.
-Evitar a sobreexplotación dos recursos naturais e humanos para protexer ao planeta e ás persoas.
-Reducir os residuos alongando a vida útil dos produtos.
Este Mercadiño de Troco é unha iniciativa conxunta de Con Sentidiño e O Ferrado Marelo.
Todas e todos somos responsables do cambio!
Normas do I Mercadiño de Troco
Este Mercadiño está enfocado á roupa de inverno de todas as idades e a xoguetes e enseres infantís e do fogar.
Terá lugar en Con Sentidiño os días 18 e 19 de novembro de 11:00 a 14:00 horas.
O venres 17, a partir das 17:00 horas pódense depositar os obxectos/roupa en bo estado no Ferrado Marelo, ou ben, a partir das 11:00 horas do sábado en Con Sentidiño.
Os obxectos depositados serán clasificadas en 4 seccións segundo o seu valor:
MESA LARANXA – Valor 1 – bufandas, camisetas, guantes…
MESA MARELA – Valor 2 – roupa en xeral…
MESA ROSA – Valor 3 – abrigos, enseres do fogar
MESA VERDE – Valor 4 – Especiais…(electrónica)
Ao depositar as prendas ou obxectos entregaranse vales de cores en función do valor dos obxectos depositados, que funcionarán a modo de moeda de troco e que permitirán levar un control das cousas que precises levar, para que o intercambio sexa equilibrado.
No peche do mercadiño
As persoas que deixaran cousas no mercadiño que non cheguen a ser trocadas poderán optar por estas dúas alternativas ao remate do mercadiño:
-Recoller e levar de volta o seu.
-Doar as súas cousas a diferentes entidades con fins sociais e protectoras de animais co fin de colaborar cos seus proxectos.
Non se permitirán obxectos perigosos para o troco. Establécese un límite de 12 obxectos entregados para o troco.
Para participar no mercadiño hai que vir con bo humor e ganas de crear comunidade para propiciar un ambiente cómodo e agradable para todas as persoas que se acheguen.
A participación no mercadiño supón a aceptación destas normas.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
