Tres puntos nun dos encontros máis complicados da tempada, con doblete de Charly que estrena gol en competición ligueira
Burela, 18 de novembro, 2023. Esta tarde no Pavillón Municipal Vista Alegre de Burela xogábase a 9ª xornada da Segunda Division Futsal, Pescados Rubén Burela FS – Wanapix AD Salga 10 Zaragoza, un encontro moi igualado que finalmente se levou o conxunto local cun resultado 2-0. Con baixas importantes o Sala 10 Zaragoza caeu en Vista Alegre cando se atopaba no primeiro posto da clasificación, baixando ata o terceiro, e permitindo ao Pescados Rubén Burela FS continuar coa súa escalada ata os postos de playoff nunha tempada moi igualada nesta Segunda División. Previo partido, tras o Fair Play, José Ruíz, presidente de a Asociación de Xogadores de Fútbol sala (AJFS) e no seu nome, entregou o Premio a Mellor Porteiro da Segunda División da Tempada 22/23 á nosa “muralla” Michal Kaluza. Dende o club queremos darlle os parabéns polo galardón e pola tempada, aínda que tamén polo seu incrible traballo na tempada vixente.
Na primeira parte, sen goles, domina o Burela sobre todo ao comezo, con moita posesión do balón e varias oportunidades que non atopan o gol por parte de ambos os equipos, coma un pau de Ribera no minuto 10 que remata nun tiro de Quelle que sae fóra nun rexeite tras un disparo de Malaguti que aproveita a contra do pau de Ribeira. No minuto 17 tamén se produce unha situación moi perigosa para o equipo visitante nun centro de Alberto ao segundo pau que non alcanza Malaguti. Chega o descanso 0-0 no marcador.
Na segunda parte chegan por fin os goles, aínda que o partido se mostra máis igualado e con situacións moi perigosas para o Burela especialmente nos momentos de presión con xogo de 5 por parte do Sala 10, que utiliza desde o minuto 32 de forma intermitente ata o final do partido. No minuto 26 Malaguti dispara por arriba da portería un tiro desde a banda, no 27 Lucho case a enchufa tras unha perda de Dani Álvarez. No minuto 28 falta moi perigosa para o Zaragoza que sae a corner e remata cun zurdazo cruzado de Flores que saca Michal co pé. No minuto 31 chega finalmente o 1-0, nun remate de Charly tras un pase de Alberto ao 2º pau; primeiro gol de Charly en liga, logrando “sacar a espiña que tiña cravada” desde o inicio da tempada. Comeza a atacar o conxunto maño con porteiro-xogador pero os mariñáns aguantan e un Kaluza, como nos ten habituados, espectacular, consegue encaixar todos os balóns en contra durante os 8 minutos restantes. No minuto 37 chega o segundo de Charly que chega con todo para rematar de volea un balón solto e consegue o 2-0 co que se acaba o encontro.
Unha vitoria moi importante tanto polos 3 puntos para a clasificación como para continuar xerando unha boa dinámica para o difícil partido de Copa do Rei deste martes ás 20.30h ante o ATP Iluminación Tudelano Ribeira Navarra, dirixido polo técnico burelense Juanma Marrube que se enfrontará ao seu equipo “de toda a vida” na que foi sempre a súa bombonera. Un rival de Primeira División, pero que o terá moi dificil ante un Pescados Rubén que está conseguindo facer de Vista Alegre o seu fortín.
Ficha Técnica Pescados Rubén Burela FS – Wanapix AD Sala 10 Zaragoza
Pescados Rubén Burela FS (2): M.Kaluza; Lucho, Quelle, Isma, Malaguti -quinteto inicial-, Nico Rosental, Alberto, Flethes, Álex García, Charly, Ismael e Unai (P)
Wanapix AD Sala 10 Zaragoza (0): Dani Álvarez; Diego Mercado, Adrián Rivera, Tomás Pescio, Óscar Andreu -quinteto inicial-, Óscar Villanueva, Mateo Flores, Alberto Inés, Richi Felipe, Adrián Ortego e Héctor Campo (P)
Goles: 1-0, min.31: Charly. 2-0, min.37: Charly.
Árbitros: Adrián Calleja Rubio, Gael García Schmid, Daniel López López, Eva López Seijas.
TA: Álex García, Malaguti, Alberto.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
