Antonio Ameijide explica que mentres noutras comunidades, como Asturias e Cantabria, disfrutan da gratuidade do servizo, en Galicia non, polo que é de xustiza ter un trato igualitario; ademais, de realizar as melloras necesarias nesta infraestrutura e impulsala de xeito decidido, “podería ser un elemento vertebrador e turístico de 1º grao na Mariña lucense”
_uwretouch
Lugo, 26 de novembro de 2023 O Grupo Provincial Popular defenderá no pleno do martes unha iniciativa para instar ao Goberno de España a impulsar a liña de ancho métrico entre Ribadeo e Ferrol, de xeito que se corrixan os agravios contra Galicia, e concretamente contra a provincia de Lugo.
O voceiro popular na Deputación de Lugo, Antonio Ameijide, considera que “mentres noutras comunidades, como Asturias e Cantabria, disfrutan da gratuidade do servizo, pero Galicia non: é de xustiza ter un trato igualitario; ademais de que se realicen as melloras necesarias nesta infraestrutura”.
Neste senso, Ameijide afirma que urxe outorgar a Galicia as mesmas medidas compensatorias anunciadas para Asturias e Cantabria para minimizar os prexuízos derivados do atraso na renovación dos trens da liña ferroviaria de ancho métrico que operan na nosa comunidade e que aseguran aos usuarios a gratuidade do servizo ata a entrega das unidades de trens pendentes no contrato en curso.
A realidade é que a provincia de Lugo está totalmente illada en materia de infraestruturas por parte do Goberno de Pedro Sánchez e “o ferrocarril é un exemplo moi claro. Non só non vai chegar a Alta Velocidade á provincia de Lugo, senón que tampouco se está potenciando como se debe as vías que temos, como o FEVE. De impulsarse de xeito decidido sería un elemento vertebrador da mobilidade na Mariña lucense e un aliado perfecto para o turismo na zona”, explicou.
Para corrixir os agravios e dotar á provincia dun servizo de calidade, ademais de garantir un trato igualitario para Galicia, é preciso “aprobar en 3 meses un plan de actuación para mellorar a calidade do servizo ferroviario entre Ferrol e Ribadeo, acompañado da necesaria modernización do material rodante na liña de ancho métrico co incremento de frecuencias que permitan atender adecuadamente a demanda de mobilidade dos usuarios”.
A realidade “é que non se está modernizando a vía, son frecuentes os cortes de vías, os atrasos, os problemas coas máquinas”, problemas que “son moi preocupantes e que seguen sen solucionarse por parte do Goberno do Estado”.
Antonio Ameijide é claro neste eido e afirma que “urxen solucións”. “Pedimos que se nos trate igual que ao resto de autonomías, polo que reclamamos a gratuidade, melloras nas infraestruturas e, sobre todo, un servizo de calidade que permita o transporte de viaxeiros por toda a Mariña lucense”, afirmou “farto do ninguneo e malos tratos sistemáticos de PSOE e BNG á provincia de Lugo”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
