Nota de Prensa
O GMPP acusa ó alcalde de “deixadez e falla de traballo”.
Os populares afirman que o concello tén que parar unha obra porque a Deputación non executou o saneamento de A Casilla-A Marosa.
Afirman que os fondos do ano 2006, cen mil euros, están xa perdidos.
O Grupo Municipal do Partido Popular (GMPP) de Burela afirmou hoxe que “o alcalde leva tres anos demostrando deixadez, falla de traballo e incompetencia política, como o demostra que o pasado día trece de setembro a Xunta de Goberno se vira na obriga de solicitar unha prorroga á Deputación para executar a obra de ‘Pavimentación e servicios na Avda. da praia de A Marosa’, pertencente ó Plan de Obras e Servicios (POS) de 2009, xa que está sen rematar a obra de ‘Saneamento A Casilla-Marosa’, incluida no Programa Operativo Local (POL) 2006, de competencia da Deputación Provincial lucense”. Os populares remítense á acta da Xunta de Goberno burelesa da sesión de trece de setembro.
Os populares fan historia: a obra do POL 2006, solicitada polo goberno municipal burelés do PP, tiña un presuposto de 137.796’99€ e fora adxudicada, polo anterior equipo de goberno da Deputación, con data de inicio en maio de 2007 e remate en outubro do mesmo ano. Coa chegada do bipartito PSOE-BNG á Deputación, a obra paralízase, e a empresa adxudicataria só fai unha certificación de obra por importe de 22.926’69€. Desde o GMPP de Burela, en reiteradas ocasións, se solicitou que esta obra se concluíse, pero nin o alcalde nin a Deputación dixeron nada ó respecto. O goberno burelés do PP foi quen realizou a acometida de enerxía electríca á zona de A Marosa.
Agora resulta que o alcalde se dá conta da situación, porque o concello solicitou no POS de 2009, e tamén no POS de 2010, realizar obra nova sobre a obra que a Deputación tina que ter finalizada. E como a Deputación non rematou a súa obra, o concello non pode continuar coa súa, e polo tanto pide a prórroga.
Para o GMPP,”as cousas están mui claras: temos un alcalde que políticamente é un incompetente, porque, logo de tres anos, ainda non foi capaz de que a Deputación rematase a obra que tiña que ter rematada en outubro de 2007, proba de que no seu partido non lle fan moito caso. Tres anos sen facer nada, nin neste tema nin noutros. E neste caso en concreto cun grave quebranto para a economía do concello”.
O GMPP afirma que os cartos do POL-2006 xa son irrecuperables, e que os cartos do POS-2009 poden chegar a perderse. Polo tanto, os populares presentaron unha moción para o seu debate no pleno municipal burelés do vindeiro xoves, para solicitar á Deputación que remate a obra da súa competencia en dous meses.
Os populares consideran que os bipartitos, tanto o burelés coma o provincial, están gobernando só por intereses persoais e que se esquecen permanentemente do conxunto da cidadanía.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
