Participaron na última xuntanza Ramón Martínez, concelleiro de Medio Rural, Míriam Bermúdez, concelleira de Medio Ambiente e tenenta de alcaldesa, e a alcaldesa, María Loureiro
Viveiro, 14 de decembro de 2023. O Concello de Viveiro celebra unha segunda reunión con representantes do sector forestal, con motivo da ordenanza sobre uso de viais municipais que o Goberno local está a preparar.
Participaron na xuntanza, ao igual que na primeira celebrada en outubro, o concelleiro de Medio Rural, Ramón Martínez, e máis a concelleira de Medio Ambiente e tenenta de alcaldesa, Míriam Bermúdez, e a alcaldesa, María Loureiro.
Martínez apunta que o obxectivo destas xuntanzas é lograr “unha coordinación e contacto permanente entre os diversos axentes implicados, para que, na medida do posible, todo o mundo poida realizar a súa actividade sen que comprometa a ningunha das outras partes”.
Pola súa banda, Bermúdez sinala que esta nova reunión “demostra o compromiso destas dúas áreas cun sector que é moi importante para o Concello, que precisaba ser atendido”. “Isto supón un cambio de actitude de cara ao sector con respecto a épocas anteriores”, lembra a tenenta de alcaldesa.
“A futura ordenanza que tratamos nesta reunión, sobre o uso dos viais municipais, busca protexer a propiedade pública e ao tempo estar en coordinación co sector forestal cunha perspectiva de man tendida e de escoita”, explica Bermúdez.
Queda proxectada unha terceira reunión entre as concellerías e o sector, na que dende o Concello agardan “darlle xa os últimos remates ao texto da ordenanza”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
