Burela, 16 de decembro. Esta tarde ás 18.30h no pavillón municipal de Martorell xogábase a 13ª xornada da Segunda División de Futsal, Sala 5 Martorell – Pescados Rubén Burela FS, cun resultado final de 2-3 nunha cancha moi complexa. Un partido moi importante para puntuar que permite ao Burela situarse 3º na clasificación a só un punto do Sala 10 Zaragoza e a 4 do Antequera, equipos que se enfrontaron esta xornada sumando 1 punto cada un.
Comeza con forza o conxunto mariñán, ordenados en defensa e xerando perigo en transición ofensiva, e cunha transición no minuto 2 Malaguti anota o primeiro gol do encontro. No minuto 6 Mika, que ocupa os paus con motivo da convocatoria de Michal Kaluza coa selección polaca, tira á cruceta. Durante os primeiros 10 minutos o Pescados Rubén móstrase cómodo, con algunha ocasión clara en transición e en situación con incorporación do porteiro. A partir do minuto 10 o equipo burelense comeza a decaer un pouco o ritmo, aumentando o dominio do equipo catalán pero sen ocasións. Remata o primeiro tempo 0-1 no marcador.
Na segunda parte volve espertar o Pescados Rubén Burela FS, o conxunto rival practicamente non consegue xerar a partir do posicional. Un partido bastante igualado pero con moitas máis ocasións para o equipo laranxa, que nesta ocasión xoga co equipamento verde. O Sala 5 Martorell non consegue crear case ocasións claras cun Mika moi tranquilo ata que chega a presión en ataque por parte do rival co porteiro-xogador. No minuto 32 chega o 0-2 nunha situación de falta desde os 12m que tira Ismael enchufándola na portería local. Tras un par de situacións moi claras para pechar o partido, un tiro ao traveseiro de Nico Rosental e dúas situacións de Lucho só ante o porteiro, que non logra finalizar con éxito, no minuto 33 Adrián Sánchez saca o porteiro-jugador e no 36 chega o 1-2, cun axustado disparo desde a frontal de Dani Castro. Continúa o xogo de 5 e chega o 1-3 cun lanzamento longo de Lucho a portería baleira. A falta de 50 segundos nunha situación de ataque con porteiro-xogador Arnau consegue recortar distancias en situación de xogo de 5. Remata o encontro cun 2-3 nunha das pistas máis complicadas da Segunda División de Futsal nesta tempada.
Tras unha longa viaxe de 10-11 horas, o conxunto de David Rial prepárase para o último partido antes do parón de Nadal (aínda que o penúltimo da primeira volta), o vindeiro venres día 22 no Pavillón Vista Alegre de Burela ás 16.30h ante o Levante, partido que será teloneiro da Gran Final da FutsalWEC, final que esperamos que as súas compañeiras, as Guerreiras Laranxas, disputen ese mesmo día ás 20.00 da tarde na bombonera da Familia Laranxa. Espérase unha gran acollida por parte da afección que sempre está aí, nos principios e nas finais.
Ficha Técnica Sala 5 Martorell – Pescados Rubén Burela FS
Sala 5 Martorell (2): Toledano; Rubén, Rober, Jon, Mármol -quinteto inicial-, Arnau, Javi, Dani Castro, Abdel, R. Bermusell, Héctor, Guillem, Iván, Laca.
Pescados Rubén Burela FS (3): Mika; Lucho, Quelle, Isma, Malaguti -quinteto inicial-, Nico Rosental, Alberto, Flethes, Charly, Ismael, Iago López, Unai.
Goles: 0-1, min.2: Malaguti. 0-2, min.32: Ismael. 1-2, min.36: Dani Castro. 1-3, min.39: Lucho. 2-3, min.39: Arnau.
Árbitros: Ander Garrido Cordon, Borja Reguera Prieto, Jordi Rodríguez Molina, Nerea González Torres.
TA: Marc Mármol, Iván Calle Zapata, Rober, Lucho, Charly.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
