Ribadeo, 22 de decembro de 2023. La Gran Aventura de los Reyes Magos é o primeiro musical que chega a Ribadeo. Toda a familia poderá gozar deste espectáculo este sábado, 23 de decembro. O alcalde, Daniel Vega, subliñou que Ribadeo é un referente tamén no Nadal.
O rexedor comentou que “entramos de cheo no Nadal e en Ribadeo seguimos coa ampla programación, que desde o Concello quixemos elaborar, programar e informar a todos para conseguir que o Nadal de Ribadeo se convertese nese elemento dinamizador da nosa economía.Quixemos ter actividades para todos os públicos. Recordade que seguen a pista de xeo e RibaXogo”. Fano co mesmo horario de tarde de 16:30 a 21 horas ata o 31 de decembro. E do 2 ao 7 de xaneiro de 12 a 14 horas polas mañás e de 16:30 a 21: horas polas tardes. A pista de xeo estará pechada o 24 de decembro e o 1 de xaneiro.
Vega indicou que “mañá, sábado, as nenas e os nenos teñen unha cita co primeiro musical importante que chega a Ribadeo. Trátase de La Gran Aventura de los Reyes Magos, a partir das cinco da tarde, no auditorio municipal Hernán Naval. E pola noitiña, ás nove menos cuarto teremos o Festival de Panxoliñas na igrexa parroquial de Ribadeo”.
O alcalde seguiu a relatar que “para a vindeira semana haberá cine de Nadal os días 26 e 27 de decembro. Tamén haberá actividade deportiva. Así o día 29 está repleto de actividades. Pola mañá terá lugar a I Marcha Interxeneracional San Silvestre pola accesibilidade e a inclusión, que dará comezo ás doce do mediodía. Ás oito e media a Banda Municipal de Música de Ribadeo ofrecerá no auditorio o seu concerto de Nadal Aquí como en Viena”.
A programación de Nadal de Ribadeo inclúe unha festa no Cantón: “teremos novidades tamén este Nadal. Ás oito da tarde do 29 de decembro dará comezo na carpa instalada no Cantón dos Moreno a primeira festa pre-fin de ano, cunha noite de versións musicais. Queremos agradecerlle á asociación Catro Canos todo o traballo que está a realizar para conseguir que esta novidade se converta nun éxito e continúe no tempo. E remataremos o ano o día 31 coa trixésima edición da Carreira San Silvestre a partir das cinco da tarde”.
Daniel Vega engadiu que “entre todos estamos a facer que este sexa un Nadal distinto, novidoso, con moita actividade e que veña moita xente visitarnos. E iso tradúcese en que a actividade económica anímase e iso é moi bo para o noso pobo. Entre todos estamos a converter a Ribadeo nun Nadal de referencia”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
