XOSE A. GOAS BASANTA concelleiro do Bloque Nacionalista Galego presenta para o seu debate na vindeira sesión de Pleno que celebre a Corporación Municipal de Viveiro, a seguinte
MOCIÓN
Xustificación
A embarcación A Pomba cedida ao Concello de Viveiro no ano 2005 atópase atracada desde hai anos no pantalán de servizo do Porto Deportivo de Viveiro.
No acordo para a cesión desta embarcación, no que este concelleiro participou no seu día, tratábase de destinala a “aula museo, para o disfrute e coñecemento de todos os escolares de Viveiro e comarca, así como de todos os cidadáns e visitantes” ( Xunta de Goberno do 5 de setembro de 2005).
Esta embarcación permanece amarrada sen que,desde aquelas datas, se teña feito algún tipo de mantenemento ( pintura exterior e interior, limpeza e acondicionamento).
Nada se sabe tampouco do destino final desta fermosa embarcación e de seguir así corre o perigo de se deteriorar gravemente.
Entendemos que hai que darlle un destino que faga útil este investimento que no seu día fixo o Concello. É por iso polo que este concelleiro propón que a Corporación Municipal
ACORDE
1º Que a alcaldía ordene facer os labores de mantenemento necesarios na embarcación A Pomba para manter esta en condicións óptimas.
2º.-Que o Goberno Municipal programe actividades que cumpran os obxectivos marcados no seu día para aula museo, disfrute e coñecemento de escolares e en xeral de todos os veciños e veciñas e visitantes.
Viveifro a 19 de novembro de 2008.
Asdo.-Xosé A. Goás Basanta
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
