Ribadeo, 29 de decembro de 2023. O alcalde, Dani Vega, subliña que a campaña da Pancha é líder no comercio en Galicia e un referente claro no conxunto do mapa español.
O rexedor dixo que “a campaña de Pancha é líder dentro do comercio de Galicia. É unha das campañas máis importantes de todo o conxunto do mapa español e nós desde o Concello estamos moi satisfeitos e imos seguir potenciando unha campaña que ten unha consecuencia directa dentro da estrutura económica local”.
Vega manifestou: “tamén queremos agradecerlle a Acisa toda a súa colaboración e así entre todos imos seguir potenciando unha campaña que realmente ten unha consecuencia directa dentro da nosa estrutura económica”.
O alcalde contou que “3.400 foron as operacións realizadas coa moeda local cun aforro directo para cada consumidor de máis do 33%. Este é un dato significativo, un dato moi importante e hai que explicalo. Foron máis de 100 establecementos os que se adheriron a esta campaña, estamos a falar de comercio, de hostalería, do sector servizos, que é unha parte económica moi importante dentro da estrutura da vila”.
Dani Vega adiantou que “nos seguiremos a incrementar o orzamento destinado á Pancha. Este ano foron 80.000 euros, nas vindeiras campañas incrementaremos esta partida, porque é unha campaña que ten unha consecuencia directa no comercio, na hostalería e nos servizos. É dicir estamos a reforzar a estrutura económica de Ribadeo”.
E engadiu: “a valoración é moi positiva. Son campañas que teñen unha incidencia moi importante e polo tanto ata o 31 de decembro aínda se pode facer uso da Pancha. Quedan unhas 7.000 pendentes de gastar. O obxectivo era claro e conseguiuse. O lema era Que o noso quede en ti e iso conseguiuse. A Pancha é un éxito no comercio en Galicia, pero xa é un referente claro no conxunto do mapa español”.
A edición deste 2023 tivo un retorno de máis de medio millón de euros para o comercio e a hostalería, segundo os datos que manexa o Concello de Ribadeo. As 200.000 Panchas que se puxeron en circulación o pasado 15 de outubro esgotáronse.
A presidenta de Acisa, Carmen Cruzado, destacou “a importancia que ten para os negocios locais a campaña da Pancha. Implica que a veciñanza siga a apostar polos comercios e pola hostalería local durante máis de dous meses e sobre todo nestas datas de Nadal nas que nos atopamos. O que ofrece o comercio local non podemos atopalo noutras grandes plataformas de venda online. Aquí temos un trato e asesoramento personalizado, aquí podemos ver e tocar os produtos e non esquezamos que nas tendas e na hostalería local traballan veciñas e veciños de Ribadeo e da contorna. E iso debemos telo moi presente”.
E tivo palabras de agradecemento para o Concello de Ribadeo: “estamos contentos de poder colaborar desde Acisa co Concello nesta importante campaña. Agradecemos o traballo realizado e agardamos seguir nesta liña en futuras edicións”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
