Os inmobles foron adquiridos polo Instituto Galego da Vivenda e Solo no marco do Programa Rexurbe e están emprazados nos conxuntos históricos destes concellos
Santiago de Compostela, 29 de decembro de 2023. A Xunta de Galicia destina preto de 2,3 millóns de euros á rehabilitación de seis inmobles adquiridos polo Instituto Galego da Vivenda e Solo (IGVS) nos conxuntos históricos de Mondoñedo e Viveiro co obxectivo de habilitar 10 vivendas e destinalas a alugueiro social. A plataforma de contratos de Galicia publicou hoxe a licitación das obras de recuperación desas propiedades, correspondentes ao Programa Rexurbe e que permitirán engrosar a bolsa pública residencial do Executivo galego.
Todas as vivendas rehabilitadas serán cualificadas como de promoción pública polo que pasarán a formar parte do parque de vivendas propiedade do IGVS e serán adxudicadas en réxime de alugueiro social recorrendo ás persoas inscritas no Rexistro de demandantes de vivenda de Galicia.
En Mondoñedo a Xunta rehabilitará cinco edificios nos que se obterán sete vivendas tras un investimento de arredor de 1,6 millóns de euros. Este investimento engádese aos preto de 190.000 euros destinados a adquirir os inmobles nos que se vai actuar.
A obra que suporá a creación dun maior número de vivendas, con catro, afecta aos números 7-9 da rúa Guevara. Os traballos -que saen a licitación por importe de máis de 770.000 euros- implican a rehabilitación integral de dous edificios agrupados nun único inmoble co que habilitar esas catro vivendas de promoción pública e catro rochos.
O edificio consta de planta baixa, dous andares máis e baixo cuberta. Na planta baixa estarán o portal, os rochos, parte dunha vivenda e os locais de instalación e servizos. As demais plantas destínanse ás vivendas: a primeira tipo dúplex entre as plantas baixa e primeira con dous dormitorios; a segunda na planta primeira tamén con dous dormitorios; a terceira no segundo andar de dous dormitorios e a cuarta, tamén tipo dúplex, entre o segundo andar e o baixo cuberta cun total de tres dormitorios.
No número 24 da praza Muíños de Arriba prevese rehabilitar outro inmoble cun importe de licitación de máis de 290.000 euros para crear unha vivenda con tres dormitorios e distribuído en planta baixa, primeiro e segundo andar e baixo cuberta. Na planta baixa estará o acceso, un cuarto de baño, o lavadoiro con tendal, as instalacións e as escaleiras. No primeiro andar estará a estancia maior ademais da cociña, no segundo hai dous dormitorios e un cuarto de baño e no baixo cuberta estará o terceiro dormitorio e o rocho.
No número 4 da rúa Peña de Francia vaise rehabilitar integralmente un edificio para dispoñer dunha vivenda con tres dormitorios e un rocho. O inmoble repártese en planta baixa -na que estarán o rocho e o cuarto de instalacións- e no primeiro andar as estancias da vivenda. O importe de licitación da obra supera os 290.000 euros IVE incluído.
O quinto edificio que se vai rehabilitar en Mondoñedo atópase no número 30 da rúa Febreiro e permitirá contar cunha vivenda de promoción pública de dous andares tras un investimento de arredor de 210.000 euros. Na planta baixa estarán o salón, a cociña-comedor e no primeiro andar dous dormitorios, un cuarto de baño e un cuarto de almacenamento xeral
Rehabilitacións en Viveiro
A obra que sae a licitación neste concello suporá a rehabilitación de dous inmobles situados na confluencia das rúas Rosalía de Castro, no número 22, e Fernández Victorio, números 15-17, para crear tres vivendas e tres rochos tralo investimento de arredor de 720.000 euros. No edificio da rúa Fernández Victorio localizarase unha vivenda de dous dormitorios repartida en planta baixa, planta primeira e faiado.
Mentres, no edificio do número 22 da rúa Rosalía de Castro crearanse dúas vivendas repartidas en catro andares. No semisoto estarán dous rochos e os locais de instalación, na planta baixa habilitarase unha vivenda dun dormitorio e nas plantas primeira e no baixo cuberta crearase unha vivenda tipo dúplex de tres dormitorios.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
