O novo recurso de apoio ás crianzas e ás familias estará situado no edificio do Ecomuseo, cedido pola Administración local no pleno ordinario celebrado esta tarde
Cervo, 22 xaneiro de 2024. O Concello de Cervo albergará un Punto de Encontro Familiar (PEF) que dará cobertura a todos os municipios da Mariña. O novo recurso situarase no edificio do Ecomuseo, en Cervo cuxa cesión por parte da Administración local foi oficializada no pleno ordinario celebrado esta mesma tarde.
O edificio será adecuado pola Xunta de Galicia para converterse no noveno Punto de Encontro Familiar de Galicia –existe un en cada unha das 7 grandes cidades e un punto comarcal en Ribeira-.
A rexedora, Dolores García Caramés, apuntou que “é unha moi boa nova para Cervo” poder acoller este servizo tan necesario na sociedade actual, dándolle así un uso público e social a este edificio que ademais é unha instalación municipal tan simbólica para todos os cervenses xa que foi a antiga Casa do Concello; un emprazamento que desde a Consellería de Política Social consideraron idóneo “pola súa situación e polas características do inmoble” como lugar seguro para realizar as visitas establecidas por lei dentro dun proceso de separación, divorcio, nulidade,tutela ou calquera outro suposto de interrupción da convivencia familiar; así como cando o exercicio do dereito de visitas se poida ver interrompido ou o seu cumprimento resulte difícil ou conflitivo.
Trátase -engadiu- dun recurso fundamental para as familias e moi especialmente para as crianzas que se atopan en situación de desprotección “co fin de preservar, nun espazo neutral, a relación entre os menores e os membros da súa familia nestas situacións complicadas”; buscando sempre a seguridade e o benestar dos menores, ante todo.
Esta prestación evitará ademais, a obriga das familias de desprazarse máis de 100 quilómetros para acudir ao PEF de Lugo, que ata agora era o recurso máis próximo de referencia.
O edificio, situado na Rúa do Muíño, 2, cuxa data de construción foi no ano 1880, está composto de planta baixa e piso alto, ocupando unha superficie construída duns 232 m2.
Entre as intervencións que se realizan nos PEF están as entregas e recollidas dos menores, as visitas tuteladas ou as visitas supervisadas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
