Nota de prensa:
O CONCELLO APROBOU POR UNANIMIDADE AS ALEGACIÓNS PRESENTADAS AO PLAN DE ORDENACIÓN DO LITORAL.
Burela, 30 de setembro de 2010. O pleno do Concello aprobou por unanimidade as alegacións presentadas ao Plan de Ordenación do Litoral, o nomeamento dos membros especialistas en temas educativos no Consello Escolar Municipal, a proposta de declaración de zona xeolóxica do Perdouro como espazo natural de especial interese local e o nomeamento da praza do Mariñeiro.
O alcalde, Alfredo Llano, sinalou que “no asunto das alegacións presentadas ao POL, quero lembrar que foron consensuadas polos partidos políticos e asociacións veciñais de Burela e agardamos agora que sexan tidas en conta na Xunta. Pero aínda que foron aprobadas por unanimidade o señor Barcia insinuou no pleno de hoxe que desde o PP presentaron as súas propias alegacións, algo que non nos parece de recibo porque non se está a respectar a relación institucional entre o Concello e a Xunta, como xa fixeron noutras ocasións”. O equipo de goberno votou a favor e os populares abstivéronse na modificación do regulamento de utilización das instalacións deportivas municipais.
O bipartito, segundo explicou o rexedor, “rexeitou dúas mocións presentadas polo PP relativas a dúas obras a realizar na ponte do Perdouro e na zona de A Casilla e A Marosa, porque xa hai compromisos en firme por parte da Deputación para levar adiante estes traballos sen necesidade de que se marquen prazos de execución. E decidimos apoiar a moción plantexada polo PP sobre as tarifas eléctricas, estamos de acordo con esa petición, pero tamén avogamos por concienciar á poboación da necesidade de empregar o material axeitado, como por exemplo luminarias con tecnoloxía LED, para abaratar moito máis o gasto de electricidade nos fogares dos nosos veciños”.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
