A candidatura ás eleccións autonómicas pola provincia de Lugo acompañou aos veciños e veciñas da Montaña que todos os luns se concentran diante do centro de saúde en protesta pola falta de persoal médico
A Fonsagrada, 29 de xaneiro de 2024. A candidatura socialista ás eleccións autonómicas pola provincia de Lugo garantiu este luns na Fonsagrada o compromiso de José Ramón Gómez Besteiro de convocar todas as prazas de categorías vinculadas á Atención Primaria para restablecer as ratios axeitadas nos centros de saúde de maneira estable e superar a desidia do Partido Popular, primeiro con Feijóo e agora con Rueda, nas convocatorias. Fixérono despois de acompañar aos veciños e veciñas da Montaña que todos os luns se concentran diante do centro de saúde da localidade para reivindicar unha solución para a falta de médicos.
Xunto a varias ducias de persoas participaron na concentración a número dous da lista do PSdeG luncese ao 18-F, Lara Méndez; a número tres, Mayra García; o número catro, Miguel Tomé; a número cinco; Teresa Fernández; e a número once, Marina Ramudo. Tamén tomaron parte na concentración os alcaldes da Fonsagrada, Carlos López; de Negueira de Muñiz, José Manuel Braña; de Cervantes, Benigno Gómez; da Pontenova, Darío Campos; e de Ribeira de Piquín, Roberto Fernández; así como os deputados provinciais Pablo Rivera e Xosé María Arias, tamén Alcalde de Castroverde.
A proposta do PSdeG pasa por activar “un plan urxente” para rescatar a sanidade pública e devolverlle a calidade que tiña en Galicia, especialmente no que ten que ver coa Atención Primaria, e que contará con dúas liñas prioritarias de actuación: máis investimento e máis persoal sanitario. Besteiro garante a atención nun prazo prazo máximo de 48 horas, fronte ás esperas de ata 21 días que se rexistran na actualidade tras 15 anos de desmantelamento da sanidade pública polo PP.
Desde finais de outubro a veciñanza da Montaña non ten médico no concello de Negueira de Muñiz, o que obriga á xente a desprazarse 90 quilómetros, ata ambulatorio da Fonsagrada, para ir á consulta. Unha situación que se repite en toda a provincia, tal e como denunciaron esta mañá os socialistas lucenses, apuntando que precarizar o sistema e non cubrir baixas, vacacións, permisos ou xubilacións do persoal sanitario son prácticas constantes do PP na Xunta.
De feito, actualmente en Galicia hai 900 profesionais menos en atención primaria ca no último ano co presidente Touriño.
Fronte ao Goberno de Rueda, que “desmantela” a sanidade pública e “fai negocio” á costa da saúde das persoas, o PSdeG apela á alternativa de Besteiro para reverter a situación apostando pola sanidade pública.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
