Os candidatos ao Parlamento galego lembraron durante unha visita á casa niño Bolboreta, no Páramo, que a provincia xa conta cun total de 27 que favorecen a conciliación das familias “vivan onde vivan” contribuíndo a fixar poboación e a crear postos de traballo
Lugo, 29 de xaneiro de 2024. O PP lucense pon en valor a aposta da Xunta polas casas niño como recursos de conciliación. Membros da candidatura do PP ás autonómicas pola provincia subliñaron que “as políticas impulsadas pola Xunta de apoio ás familias vivan onde vivan”.
Durante unha visita á casa niño Bolboreta, no Páramo, o número 2 da lista, Javier Arias, recordou que “na provincia de Lugo contamos con 27 casas niño que poden atender a 135 nenos e nenas de 0 a 3 anos (a un máximo de 5 prazas en cada casa niño)”.
“Dende o Partido Popular temos claro que a nosa é unha provincia fundamentalmente rural e con núcleos de poboación dispersos. Por iso apostamos por achegar servizos ao rural co obxectivo de fixar poboación”. Un claro exemplo son as casas niño que ofrecen, nun entorno próximo, atención aos máis pequenos de concellos do rural que carezan doutro recurso de conciliación. “E non hai que esquecer que a través das casas niño tamén se crean postos de traballo nestes concellos”, engadiu o popular.
O Goberno de Alfonso Rueda ten xa comprometidos para o 2024 un total de 3 millóns de euros para manter o centenar de casas niño que xa existen actualmente en Galicia e ampliar a oferta a máis concellos.
Trátase dunha medida implantada no 2016 e que “funciona”. Estes centros ofrecen atención gratuíta de luns a venres durante un máximo de 8 horas diarias a cinco nenos de 0 a 3 anos de idade.
ATENCIÓN DE 0 A 3 ANOS NO PROGRAMA ELECTORAL
O programa electoral do PPdeG recolle propostas de Goberno “perfectamente realistas e realizables” e, polo tanto, “que se poden cumprir”. Entre elas, inclúese a cobertura total de recursos de conciliación gratuítos de atención á infancia de 0 a 3 anos en Galicia de forma que “tódolos concellos da nosa comunidade conten cun servizo de atención aos máis pequenos”.
VISITA A MAQUINARIA DURÁN
Dentro das actividades dos populares, membros da candidatura ás autonómicas participaron tamén este luns nunha visita ás instalacións de Maquinaria Durán onde lembraron que “a Xunta destina, na convocatoria do 2023, algo máis de 4 millóns de euros para promover o uso de maquinaria agrícola en réxime asociativo”.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
