A Dirección Xeral de Pesca avoga para o abadexo que se acumulen as cotas das zonas 8C, de Fisterra para arriba, e 9A, para abaixo, e se analice a posibilidade de solicitar a deriva de posibilidades de pesca non consumidas desta especie noutras áreas
Santiago de Compostela, 31 de xaneiro de 2024. A Dirección Xeral de Pesca, Acuicultura e Innovación Tecnolóxica ven de presentar alegacións contra os recortes que establece nas súas últimas resolucións a Secretaría Xeral de Pesca (SXP) polas que ordena as pesquerías do abadexo e das raias. Estas decisións do Ministerio de Agricultura, Pesca e Alimentación trasladan os recortes das cotas de capturas que para estas especies se decidiron no pasado Consello de Ministros de Pesca da UE, polo que desde a Consellería do Mar elévanse argumentos para tratar de limitar o impacto na frota galega.
No caso do abadexo, desde a dirección xeral que pilota Antonio Basanta sinálase que a xa baixa cota inicial de 70.000 quilos establecida para 2024 e 2025 para a zona 8C (de Fisterra para arriba e o Cantábrico) vese reducida polo rebasamento do ano pasado a so 55.765 quilos. Alégase, sen embargo, que a Secretaría General de Pesca establece na resolución que en base á evolución dos consumos se podería engadir a porcentaxe que se determine da cota de España de zonas como a 9A (de Fisterra cara abaixo), respectando as necesidades da frota autorizada nesas zonas. O ano pasado sobraran nese zona 20.000 quilos, e tralo recorte do 53% para este ano, a 93.000 quilos, as posibilidades de capturas quedan nos 113.800.
Desde a Xunta reclámase a acumulación de ambas cotas e o análise de posibilidades a futuro para derivar posibilidades de pesca non consumidas de abadexo en outras zonas.
Tamén se alega fronte ao segundo punto da resolución, que establece topes de capturas para as zonas 8C e 9 de 10 quilos/buque para o palangre de fondo e de 5 quilos/barco para o resto de modalidades. Considérase desde Galicia que non se axusta ao consumo maioritario da cota de abadexo en Galicia, pois nos últimos 10 anos correspóndese coas artes menores (1.718.765 quilos), seguido do palangre de fondo (575.936 quilos) e a volanta (354.832 quilos acumulados). Reclámase, por tanto, axustarse á dependencia de cada frota dada a moita maior importancia que se reflicte para as artes menores.
Por último, tamén se alega ao proxecto de resolución da Secretaría General de Pesca porque marca que os topes de captura serán de aplicación desde a data de publicación da mesma ata a entrada en vigor da de 2025, cando o oportuno tería sido facelo con aplicación desde o 1 de xaneiro de 2024. Por iso reclámase maior celeridade e, a futuro, optimizar a xestión do abadexo para evitar situacións de consumo que poñan en perigo a consecución do alcance anual desta cota e unha planificación ordenada por parte do sector.
Raia e raia mosaico
No caso raia, as alegacións da Dirección Xeral de Pesca parten da cota inicial de 1.724.000 quilos para as zonas 8 e 9 das augas da UE este ano, cunha reserva do 2% para evitar posibles rebasamentos ou para utilizala en intercambios con outros Estados membros. Sinálase que esta reserva, por partir de cotas xa moi reducidas e limitadas e que no caso da raia mosaico mesmo se considera pesca accesoria, non é adecuada nin proporcional, especialmente se a pretensión é utilizala para intercambios. Para este fin, conclúese, e mellor dedicar ao 2% de reserva con outras especies.
Sobre a raia mosaico (limitada a súa pesca a 25.000 quilos e de forma accesoria) e os topes de capturas alégase que non se explicitan razóns para situalos entre 5 e 10 quilos por buque e día dependendo das distintas áreas e modalidades de pesca -que entenden pouco apropiadas-, reclamando así as aclaracións pertinentes.
Por último, e ao igual que ocorre co abadexo, desde a Consellería do Mar demándase de novo máis celeridade nas resolucións que afectan a estra especie para propiciar o mellor desempeño por parte da frota que captura raia.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
