As mariñás loitarán este domingo polo título diante do Poio Pescamar logo de igualar un 1-3 adverso na segunda metade e vencer nos penaltis
Burela, 3 de febreiro, 2024. Un Pescados Rubén Burela inquebrantable disputará este domingo a final da Supercopa despois de derrotar ao Futsi Atlético Navalcarnero na quenda de penaltis dunha semifinal que acabou o seu tempo regulamentario con empate a tres tantos. Nun partido durísimo, as mariñás foron quen de igualar un 1-3 adverso na segunda parte e unha parada de Caridad no sexto penalti outorgoulles o billete para a súa quinta final consecutiva desta competición.
A cita polo título, coas cámaras de Teledeporte en directo, dará comezo ás 21 horas deste domingo no Palacio San Miguel de Torremolinos. O rival será o Poio Pescamar, que tamén logrou o pase á final na quenda de penaltis derrotando no seu caso ao STV Roldán. Pontevedresas e mariñás reeditarán, deste xeito, a final do 2021 disputada en Vista Alegre, que se saldou con triunfo laranxa por 2-0.
O Clásico do fútbol sala español cumpriu coas expectativas e deixou outro encontro cheo de batallas entre as mariñás e as navalcarnereñas. Pegou primeiro e por partida dobre o Futsi con dous tantos no primeiros sete minutos de xogo. Corría o catro cando un balón perdido en primeira liña polas burelistas xeraba unha superioridade das atléticas que aproveitaba moi ben no segundo pau Laura Córdoba. Uniríase á festa visitante a súa xemelga, Irene, tres minutos máis tarde definindo con calidade un contragolpe no que se plantaba soa ante Caridad.
As Guerreiras Laranxas acusaron o golpe, pero souberon aguantar ben esta primeira arremetida e rápido tiveron opción de reducir distancias cun balón ao pau de Irene Samper no minuto 9. Puido facer máis sangue Irene Córdoba nun novo contragolpe, pero non soubo aproveitar o pase da morte da súa irmá e rematou ao pau. Posteriormente, Caridad aparecía en dúas ocasións para desbaratar o terceiro do Futsi, primeiro nun man a man ante María Sanz e logo sacando un bo pé abaixo nun lanzamento de Becha. A seguinte gran oportunidade para as laranxas volvería estar nos pés de Irene Samper no minuto 14. O seu disparo tocaba nunha futbolista de Futsi, envelenábase e remataba impactando de novo na trabe da meta rival.
O acoso burelense continuaba con dúas ocasións para Dany e ao final as discípulas de Julio Delgado recollían o premio á súa insistencia a catro minutos do descanso nunha acción na que Patricia remataba a pracer no segundo pau un gran envío de Emilly. Durou pouco a alegría das mariñás, que poucos segundos despois vían como perdían a Cilene. Os árbitros castigaban cunha vermella directa unha entrada sobre Leti e a brasileira perderase a final deste domingo por sanción.
Na superioridade numérica, o Futsi volvería poñer terra polo medio cun gol de María Sanz e Caridad tíñase que empregar a fondo a segundos do descanso para despexar un lanzamento de Ari. Con 1-3 no marcador, as futbolistas fóronse aos vestiarios tras un primeiro tempo cheo de adversidades para as da Mariña.
O descanso veulles ben ás de Julio Delgado, que pasaron a dominar por completo o partido na segunda metade. Irene Samper e Emilly estiveron preto de anotar o segundo gol local, pero no mellor momento das mariñás, Cami caía lesionada ao mancarse no ombreiro. Cando parecía que as Guerreiras Laranxas podían bicar a lona, sacaron todo o seu orgullo para conseguir a igualada. O primeiro crochet foi obra de Irene Samper no minuto 32 tras roubarlle a carteira a Laura Córdoba e bater a Marta Balbuena cun zurdazo desde fóra da área.
Coas atléticas con cinco faltas desde o minuto 33, tivo a primeira oportunidade para igualar Antía cun dobre penalti, pero o seu disparo despexábao Marta Balbuena. A segunda vez que o Pescados Rubén Burela foi ao punto dos dez metros, Emilly non perdoaba e poñía o 3-3.
As visitantes sufrían e Alberto Arranz apostaba polo xogo de cinco para cortar o ritmo das mariñás. Lográbao, pero a pesar diso as burelistas terían outra ocasión inmellorable para levar a vitoria a menos de dous minutos da conclusión. Unha falta sobre Dany cando a hispano-brasileira avanzaba soa cara ao marco contrario levaba outra vez o balón aos 10 metros. Repetía Emilly, pero nesta ocasión o seu punteirolo facía tremer o longueiro da meta atlética.
O tempo regulamentario remataba e o punto fatídico ditaría sentenza cunhas Guerreiras Laranxas moi inspiradas. Antía, Irene Samper, Rafinha, Patricia, Emilly e Dany anotaban os seus respectivos penaltis, mentres que Caridad paraba o de Pilar Ros na morte súbita e as mariñás celebraban un sufrido e traballado pase á final.
Ficha Técnica Pescados Rubén Burela FS 3-3 Futsi Atlético Navalcarnero (6-5 nos penaltis)
Pescados Rubén Burela FS (3): Caridad; Cilene, Antía, Dany, Emilly -quinteto inicial-, Cami, Irene Samper, Patricia, Rafinha e Ana Eliza (ps).
Futsi Atlético Navalcarnero (3): Marta Balbuena; Irene Córdoba, Leti, María Sanz, Laura Córdoba -quinteto inicial-, Ju Delgado, Ari, Becha, María Moreno, Bea Parrón (ps) e Pilar Ros.
Goles: 0-1, min. 4: Laura Córdoba. 0-2, min. 7: Irene Córdoba. 1-2, min. 16: Patricia. 1-3, min. 18: María Sanz. 2-3, min. 32: Irene Samper. 3-3, min. 35: Emilly, de dobre penalti.
Penaltis (6-5): Antía (Burela) – Gol / Leti (Futsi) – Gol / Irene Samper (B) – Gol / Irene Córdoba (F) – Gol / Rafinha (B) – Gol / Laura Córdoba (F) – Gol / Patricia (B) – Gol / María Moreno (F) – Gol / Emilly (B) – Gol / María Sanz (F) – Gol / Dany (B) – Gol / Pilar Ros (F) – Para Caridad.
Árbitros: Mayo López (Colexio Madrileño) e García López (Colexio Andaluz). Expulsaron con vermella directa á burelista Cilene no minuto 16. Tamén amonestaron a Emilly e Cris Blanco polo Pescados Rubén Burela e a Irene Córdoba e Laura Córdoba polo Futsi Atlético Navalcarnero.
Incidencias: Segunda semifinal da Supercopa de España disputada no Palacio San Miguel de Torremolinos (Málaga) diante de máis de 1.300 espectadores. Nos prolegómenos do encontro, o presidente do Comité Nacional de Fútbol Sala, José Miguel Monje, e a presidenta da Asociación de Jugadoras de Fútbol Sala, Natalia Orive, fixéronlles entrega a Dany, Irene Samper e Emilly dos premios outorgados pola asociación como mellor pívot, mellor á esquerda e mellor xogadora, respetivamente, da pasada temporada.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
