Ribadeo, 9 de febreiro de 2024. A Asociación de Comerciantes, Industriais, Servizos e Autónomos de Ribadeo celebrará o próximo 27 de febreiro a súa asemblea xeral ordinaria.
Segundo indicou o xerente de Acisa Ribadeo, Jesús Pérez: “no día de hoxe vimos de notificar aos nosos socios e socias a convocatoria da asemblea xeral ordinaria correspondente o ano 2024. Esta cita tara lugar o 27 de febreiro no Cine Teatro de Ribadeo ás 20:20 horas en primeira convocatoria e 20:30 en segunda”.
Os asuntos que se abordarán son a lectura e aprobación, se procede, da acta da asemblea xeral ordinaria celebrada o 29 de marzo de 2023; lectura e aprobación, se procede, da conta xeral de ingresos e gastos do exercicio pasado, o de 2023; estado da asociación; análise e valoración das actividades realizadas no pasado exercicio; informe e aprobación, si procede, do orzamento ordinario para 2024; informe da programación de actividades previstas para este ano; informe dos festivos e domingos de apertura en 2024 e ampliacións horarias; rogos e preguntas. “Como novidade despois de varios anos, abordarase tamén a celebración da gala anual de Acisa Ribadeo, na que xa se está a traballar para recuperar neste 2024”, dixo Pérez Prada.
Temporal
Sobre os efectos ocasionados pola borrasca Karlotta na xornada de onte a presidenta de Acisa, Carmen Cruzado, dixo que “durante a pasada xornada vivimos un episodio meteorolóxico adverso, que ocasionou decenas de micro cortes eléctricos durante a mañá así como un apagón de tres horas e media. Tamén se viu afectada a telefonía móbil e fixa. Foron moitas as perdas económicas sufridas polos restaurantes, que estaban a dar as comidas á súa clientela, e tamén pode haber danos ocasionados por eses cortes de luz en materiais eléctricos ou electrónicos. Polo que dende Acisa Ribadeo recomendamos que revisen o estado de todos os aparatos así como dos inmobles e de ser o caso se poñan en contacto cos seus seguros para reclamar os danos ocasionados por esta borrasca”.
E engadiu: “dende a xerencia de Acisa na xornada de onte estívose en permanente contacto cos nosos socios e socias co fin de mantelos informados da mellor maneira posible das novidades que ían xurdindo ao longo do dia e por suposto para atender as necesidades que cada negocio puidera ter, como podía ser a busca de xeradores eléctricos ou a solución doutras incidencias. Do mesmo xeito tamén estabamos en permanente contacto co Concello para coñecer o estado da problemática ocasionada por ese apagón eléctrico”.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
