O BNG defende un novo modelo de ordenación do territorio que permita impulsar modelos produtivos que favorezan a desintensificación da actividade agraria, co obxectivo de acadar modelos máis sustentábeis ambientalmente e economicamente, ao diminuír os custos de produción
Lugo, 10 de febreiro de 2024. A candidata do BNG por Lugo, Olalla Rodil, visitou unha explotación gandeira en Vilalba onde anunciou que o BNG desde o goberno da Xunta de Galiza reactivará o Banco de Terras, “unha iniciativa posta en marcha cando o BNG tivo responsabilidades de goberno e que coa chegada do PP á Xunta se paralizou”. Esta iniciativa “dará unha resposta á falta de superficie para a producción, e garantirá o mantemento dos terreos rurais, ao incorporarse ao banco para o seu arrendamento os terreos que non se atopen nun bo estado de conservación”.
O BNG impulsará modificacións na lexislación actual para dirixir a normativa de recuperación da terra agraria cara a garantir a dispoñibilidade de terreos para o sector gandeiro, a viticultura ou o cultivo, optimizando os recursos das distintas explotacións para garantir a súa viabilidade. Outro dos grandes eixos de actuación do Bloque no rural será o apoio aos produtores e produtoras, con medidas como a mobilización de 100.000 hectáreas de superficie agraria útil para facilitar o uso agrogandeiro das que están abandonadas.
Con estas medidas, desde o BNG avanzarase nun novo modelo de ordenación do territorio que permita impulsar modelos produtivos que favorezan a desintensificación da actividade agraria, co obxectivo non só de acadar modelos máis sustentábeis ambientalmente, senón tamén economicamente, ao diminuír os custos de produción.
“Este 18 de febreiro votar ao BNG é votar por un novo modelo de ordenación do territorio que garanta a continuidade do noso medio rural”, afirmou Olalla Rodil, que engadiu “temos un proxecto claro para asentar poboación, garantir a dispoñibilidade de servizos e garantir a continuidade das empresas vinculadas ao medio rural”. Rodil pediu o voto ao BNG “para poñer fin a 15 anos de abandono do rural por parte do PP, estamos a poucos días de ver a Ana Pontón como primeira presidenta da Xunta de Galiza”.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
