No centro cursan estudos rapaces de catorce concellos, procedentes da Mariña, así como doutros municipios de provincia de A Coruña
Viveiro, 23 de febreiro de 2024. A voceira do Grupo Municipal de Viveiro, Mariña Gueimunde, esixe ao Concello garantir “con carácter de urxencia” a seguridade aos usuarios do Conservatorio Municipal. A popular fai esta petición logo de constatar no día de hoxe que a entidade local aínda non retirou os cascallos procedentes do desprendemento dunha parte do balcón lateral do edificio producido o pasado domingo durante a xornada electoral.
Para os populares o restablecemento do inmoble e das súas inmediacións en termos de seguridade “non se pode dilatar máis”, pois “xa vai case unha semana do suceso e as vaias e os cascallos seguen no chan”. “Isto é unha máis”, alerta Gueimunde, e é “un novo exemplo da desidia manifesta dun goberno esgotado e desgastado que nin tan sequera se preocupa do mantemento das instalacións municipais e que lle corresponde xestionar e atender coa debida responsabilidade”.
Deste xeito, Gueimunde maniféstase moi crítica co proceder do Concello, xa que o suceso coincidiu, ademais, co día das eleccións e no Conservatorio había tres mesas. “É dicir, as consecuencias puideron ser aínda peores”, advirte. “Afortunadamente, o domingo non pasou nada, pero cada día son moitos os rapaces que cursan os seus estudos de música neste edificio. Pedimos encarecidamente á alcaldesa que deixe de mirar para outro lado. É a súa responsabilidade garantir que non lles pase nada aos alumnos e alumnas e que tanto eles como as súas familias se sintan seguros”, insiste.
Neste Conservatorio, lembra a popular, cursan estudos rapaces de catorce concellos, procedentes da Mariña, así como doutros municipios da provincia coruñesa. É o caso, por exemplo, das localidades de Cariño, A Coruña, Mañón ou Ortigueira.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
