Nota de prensa:
A Escola de Imaxe da Deputación cubriu por 2º ano consecutivo todas as prazas dos ciclos formativos que ofrece
– Gómez Besteiro e Álvaro Augustin, Director Xeral de Telecinco Cinema, inauguraron o curso académico 2010-2011 da TIC, que dispón de 44 prazas e 2.000 horas lectivas
– Augustin, produtor de tres das catro películas máis taquilleiras de España: Celda 211, Ágora e Spanish Movie, compartiu cos alumnos unha visión cualificada e realista do panorama do cine neste país
O Presidente da Deputación e da Fundación TIC, José Ramón Gómez Besteiro, e o Director Xeral de Telecinco Cinema, Álvaro Augustin, inauguraron este luns o curso académico 2010-2011 da Escola de Imaxe e Son de Lugo, dependente do organismo provincial. A EIS, o único centro educativo da provincia que imparte ensinanzas de formación profesional da familia da Comunicación, cubriu este curso, por segundo ano consecutivo, o 100% das prazas para cursar os ciclos superiores de Realización e Produción de Audiovisuais.
Gómez Besteiro subliñou que “hay mucha gente que quiere estudiar en la TIC y no puede porque se agotaron las plazas; lo que os da una mayor dosis de responsabilidad”. Neste senso, destacou que “tenéis el privilegio de poder estudiar lo que es os gusta en Lugo y ya no tenéis que marchar a Coruña, Vigo o Madrid para hacerlo. Aprovechad esta gran familia que encontraréis en la Fundación TIC”.
O curso académico 2010-2011 dispón de 44 prazas, 22 para cada un dos módulos, que están dotados con 2.000 horas lectivas e dous anos formativos cada un. O número de solicitantes no módulo de Produción aumentou un 100% e un 18% no de Realización con respecto a hai sete anos, data na que o Centro iniciou a súa actividade. En 2009 foi o ano no que, por primeira vez, se cubriron todas as prazas e no que, debido o aluvión de demandantes, houbo unha ampla lista de espera. En total, máis de 125 alumnos cursaron os seus estudos neste centro educativo dende 2003.
Inserción laboral dos alumnos
Unha das prioridades da Fundación é desenvolver novas fórmulas que faciliten a inserción laboral dos estudantes. Na actualidade, a Fundación TIC mantén relación con máis de 60 empresas nacionais e mantén convenios de colaboración cunha decena de entidades sociais, para difundir o seu labor sen ánimo de lucro. A través destas colaboracións, a Deputación de Lugo dá un novo impulso á relación que a EIS mantén co sector empresarial para a realización de prácticas dos seus alumnos e na procura da súa inserción laboral ó remate dos seus estudos.
Produtor da películas máis taquilleiras do cine español
Para este comenzo de curso, e para achegar ós alumnos unha visión cualificada realista do panorama do cine en España, Álvaro Augustin mantivo un encontro de traballo cos alumnos da EIS no que aportou a súa experiencia e coñecemento na produción cinematográfica e as claves para determinar os factores decisivos para acadar éxitos. No ano 2009, o Director Xeral de Telecinco Cinema foi o produtor de tres das catro películas máis taquilleiras do cine español: Celda 211, Ágora e Spanish Movie.
Augustin é Diplomado en Marqueting e xestión de empresas (MBA) e ten realizado un Master en Dirección de empresas de televisión polo IEEA. En 1987 comeza a súa carreira no mundo da distribución de programas de televisión, representando ás compañías NBC, Viacom, Orion e Lorimar. En 1990 incorpórase a Canal +, traballando para o departamento de programación como axudante e posteriormente como programador e xefe de emisións, incorpoprándose un ano despois a Telemadrid, concretamente ós departamentos de programación e produción allea. En 1993 participa na fundación de GECA, onde desenvolve labouras de director de Teleformat.
Na actualidade é Director Xeral de Telecinco Cinema e é responsable dalgúns dos máis ambiciosos e exitosos proxectos da cinematografía española dos últimos anos. El laberinto del fauno, Alatriste, El orfanato, Che, El Argentino, Ágora ou Celda 211 son algúns dos títulos que permitiron á factoría de Telecinco acadar innumerables premios e éxitos de vendas internacionais. Celda 211, protagonizada polo lucense Luis Tosar e realizada en coprodución coa empresa galega Vaca Films, vén de ser seleccionada para participar na carreira ós Oscars na vindeira edición.
Telecinco Cinema xa recibiu tres galardóns da Academia das Artes e das Ciencias Cinematográficas por Laberinto del fauno en 2006. Estes días preséntase no festival de Sitges Agnosia, protagonizada por Eduardo Noriega e Bárbara Goneaga, un novo proxecto de Telecinco Cinema, que se estreará o vindeiro 5 de novembro.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
