“Quedou claro que é imposible o cambio en Galicia se non o lidera o Partido Socialista”
Lugo, 9 de marzo de 2024. O Secretario Xeral do PSdeG na provincia, José Tomé Roca, subliñou no Comité Provincial de Lugo celebrado este sábado que “estamos nun momento no que toca mirar para adiante, traballar de pico e pala no Parlamento e no territorio co equipo e co proxecto de Besteiro para remontar, para que dentro de catro anos sexamos capaces de ser unha alternativa real para presidir a Xunta de Galicia e rematar con case 20 anos de goberno do PP. Xa temos experiencia porque de 13 deputados pasamos a 25 con Touriño, e temos que ser capaces de volver a facer o mesmo”.
José Tomé asegurou que os socialistas “debemos perfilar e definir un proxecto que encabece Besteiro, serio, sólido e solvente, un proxecto do PSdeG, galeguista e leal co conxunto do Partido Socialista, pero galeguista”. “Toca axudar a conectar coa sociedade galega, coa xuventude, cos sectores económicos, culturais e sociais deste país”, incidiu.
O líder dos socialistas chamou a “facelo xa”, lembrando que no Comité Nacional Galego de hai unha semana o Secretario Xeral, Valentín González Formoso, anunciou a convocatoria de primarias para o día 7 de abril e un Congreso extraordinario para o día 27 do vindeiro mes, no cal tomará o relevo o compañeiro Besteiro para liderar o noso proxecto tanto no Parlamento, como no partido, e dende logo contará co noso apoio”.
Nun Comité Provincial de Lugo convocado para analizar os resultados das eleccións autonómicas, José Tomé afirmou que na campaña, tanto o PSdeG coma Besteiro, “tivemos demasiados factores en contra: falta de tempo para explicar o noso proxecto aos galegos e galegas, unha situación política xeral moi desfavorable, os medios públicos que condicionaron á opinión pública, unha polarización da campaña en clave estatal e un bombardeo constante de que o voto útil era votar ao BNG e quedou claro que non é así”. “Todos estes elementos conformaron un escenario moi complicado para o Partido Socialista”, indicou.
O Secretario Xeral do PSdeG na provincia recalcou que nas eleccións autonómicas “quedou claro que é imposible o cambio en Galicia se non o lidera o Partido Socialista”, chamou á “tranquilidade nas accións e nos cambios que hai que levar a cabo” e recalcou que os socialistas “temos os bimbios suficientes para levantar” os resultados do partido.
José Tomé rematou a súa intervención “agradecendo a xenerosidade de Valentín González Formoso dando un paso ao lado e poñéndose a disposición de Besteiro para colaborar e axudar en todo o que precise, apoiando sen fisuras”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
