Ademais, a Oficina de Turismo estará aberta todos os festivos de Semana Santa agás o domingo, en horario de 10:30 a 14:00 e de 16:30 a 19:00, para atender a toda a xente que veña de visita
Burela, 20 de marzo de 2024. A Concellería de Turismo do Concello de Burela ten organizado diversas actividades para complementar a programación central da Semana Santa no municipio. Realizaranse dúas XeoRutas e varias visitas ao barco-museo “Reina del Carmen”.
“Por unha banda, para seguir promovendo as XeoRutas, que tanto éxito tiveron anteriormente, vaise facer unha nova XeoRuta o xoves 28 de marzo pola zona do Perdouro, de 10:30 a 13:30, e outra pola zona da Marosa o sábado 30 de 16:30 a 19:30”, explica o concelleiro de Turismo, Ramiro Fernández Rey.
O roteiro do Perdouro percorrerá 3,2km “polo conxunto de pregues mellor conservado de Galicia, camiñando baixo arcos rochosos”. O da Marosa será de 7,8km con dificultade baixa, e permitirá descubrir a orixe dos granitos e das “formas tan caprichosas que se atopan nesta parte da costa de Burela”.
Para participar nas rutas é necesario apuntarse previamente na Oficina de Turismo ou a través do blog de Rutas Xeolóxicas de Galicia, co enderezo rutasxeoloxicasdegalicia.blogspot.com.es
O barco-museo vai estar aberto o xoves, o venres e o sábado de Semana Santa. Haberá visitas ás 11:00, ás 12:00 e á 13:00 polas mañás, e, pola tarde, ás 17:00 e ás 18:00.
Ademais, a Oficina de Turismo vai estar aberta tamén todos os festivos de Semana Santa agás o domingo. O horario será de 10:30 a 14:00 e de 16:30 a 19:00, co obxectivo de atender a toda a xente que veña de visita, xa que “as expectativas son moi boas”, sinala Fernández Rey.
“Estamos traballando así mesmo no acondicionamento tanto de praias como de paseos, con actuacións de limpeza e mantemento destas zonas para dar a mellor imaxe de Burela posible ás persoas que visitarán o municipio”, explica o concelleiro.
“En definitiva, queremos ter a vila o mellor posible para que a xente que nos visita agora volva visitarnos tamén no verán, ofrecendo o mellor entorno posible para as actividades centrais da Semana Santa como as procesións”, engade.
“Queremos aproveitar a ocasión para promocionar os valores do noso municipio, especialmente relacionados co mundo do mar e a natureza, como é o caso do barco-museo e as xeorrutas”, sinala tamén Fernández Rey. “Agardamos que se repita o éxito de visitas en Semana Santa que tivemos o ano pasado, e que a situación meteorolóxica acompañe”, conclúe.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
