Tras unha primeira parte na que o Burela non se atopou e unha mellor versión na segunda, o Pecados Rubén continúa imbatible nesta tempada
Burela, 23 de marzo, 2024. Ás 18.45h desta tarde, no pavillón municipal Vista Alegre, de Burela, disputábase o partido da 23ª xornada de Primeira División Iberdrola, Pescados Rubén Burela FS – LBTL Futsal Alcantarilla, cun resultado final 3-2. Complicado partido para as de Julio Delgado que se enfrontaron ao seu primeiro encontro sen a súa porteira titular, Caridad, que se recupera da súa lesión de menisco, e á que substitúe Ana Eliza que comeza con moi boas sensacións no seu primeiro partido de entrada. O conxunto murciano está realizando unha segunda volta con moi bos resultados, non puntuando soamente en tres partidos, hoxe e ante o segundo e terceiro clasificados, Futsi e Torreblanca. Cun inicio de tempada máis frouxo que lles custou ese oitavo posto, o equipo de Alicia Morell está a apertar moito este ano, sendo tamén un posible rival para a semifinal da Copa da Raíña, no hipotético caso de gañar nós a Futsi e elas a Castro. Nun encontro moi competido no que as locais non se atopan do todo en pista durante a primeira metade e saen cunha versión mellorada, aínda que non no seu maior esplendor, na segunda.
Comeza presionando o Burela nas primeiras xogadas sen atopar a portería. No minuto 6 Irene Samper téntao cun disparo que se vai por encima do traveseiro e case volve conseguir o primeiro tanto un minuto despois cun disparo lateral que detén a porteira do conxunto murciano. No minuto 7 chega o primeiro gol da tarde cun disparo que entra por toda a escuadra case desde a liña de fondo de Melli tras unha saída moi boa de Ana Romero ata a área rival. Numerosos intentos por parte do equipo local que se ve desconcentrado e descolocado, sufrindo moitos roubos de balón e pases errados ata o descanso. Con poucas oportunidades por parte do conxunto rival, pero moi claras, como no minuto 18 cun dobre disparo que para en primeira instancia Ana Eliza e vaise por encima do traveseiro no segundo, continúa tentándoo o Burela buscando o gol antes do descanso. Tamén no 18 Aroa lanza ao segundo pau rozándoo. No último minuto tras unha boa combinación Emilly non chega a un rexeite tras un disparo de Aroa ao segundo pau e outra a 2 segundos do descanso cun disparo tamén de Aroa que vai fóra.
Na segunda parte comeza presionando o Burela con dous tiros a porta nos primeiros segundos, un segundo moi preto do gol cun disparo de Aroa que detén Ana Romero tras un saque de esquina. No minuto 23 chega o empate cun gol de Irene Samper tras un pase de Emilly nun libre indirecto. Continúa loitando o Pescados Rubén, con numerosas oportunidades que non finalizan con éxito. No minuto 30 chega o 1-2 cun gol de Miriam nunha contra que case detén Ana Eliza pero escápaselle entre as pernas e un minuto despois chega o empate cun gol de Irene Samper dende fóra da área. Dúas oportunidades clarísimas sucédense a este gol no seguinte minuto, pero non conseguen adiantar o marcador para as Guerreiras Laranxas ata o minuto 33 no que nunha bonita xogada Emilly métea desde o segundo pau a pase de Antía Pérez. No minuto 36 paradón de Ana Eliza a un saque de libre directo tras unha man de Antía. No 37 outra clarísima de Irene Samper que detén Ana Romero cun disparo frontal desde dentro da área. Presiona o LBTL con Pao de porteira-xogadora no minuto 38 buscando o empate pero non conseguindo sequera lanzar a portería. Tras un tempo morto a 49 segundos da bucina aproveita o Burela unha última xogada, na que Dany se atopa coas mans de Ana Romero. Continúan mantendo a posesión de balón ata o asubío final.
Ficha Técnica Pescados Rubén Burela FS 3-2 LBTL Futsal Alcantarilla
Pescados Rubén Burela FS (3): Ana Eliza; Cilene, Cami, Rafinha, Patricia, – cinco inicial-, Dany (C), Antía Pérez, Aroa, Irene Samper, Emilly, Ester (P). Entrenador: Julio Delgado
LBTL Futsal Alcantarilla (2): Ana Romero; Bet, Mari, Miriam, Melli -cinco inicial-, Ana Belén, Iraia, Blanca, Anita, Lydia, Pao, Irene Franco (P). Entrenadora: Alicia Morell
Goles: 0-1, min.7: Melli. 1-1, min.23: Irene Samper. 1-2, min.30: Miriam. 2-2, min.31: Irene Samper. 3-2, min.33: Emilly.
Árbitros: Adrián Calleja Rubio, Gael García Schmid.
TA: Anita, Francisco Javier Cano Solana.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
