Os mariñáns comezan sacando tres puntos de vantaxe na primeira parte rematando cunha diferencia dun gol, con doblete de Charly, ante un Sala 5 que non perdoa
Burela, 20 de abril, 2024. O conxunto masculino do Pescados Rubén Burela disputou ás 17.00h desta tarde, o primeiro partido dunha Tarde Laranxa que deixou cheo o pavillón Vista Alegre. Encontro da xornada 28 de Segunda División de Futsal ante un Sala 5 Martorell que demostrou esta tarde en nosa bombonera ser un dos rivais máis fortes da categoría. Nunha primeira parte moi disputada no que o Burela logra poñerse con 3 goles de vantaxe pero que posteriormente o equipo catalán consegue remontar ata chegar a un gol de diferenza. Nunha segunda parte con menos goles o partido preséntase moi competido, con moito xogo de balón e moitas oportunidades especialmente para o Pescados Rubén Burela FS rematando cun resultado final 4-3.
Primeiros minutos sen ocasións por parte de ningún dos dous equipos. No minuto 5 un disparo frontal desde fóra da área de Álex García que detén Beumala será un dos primeiros tiros a porta desta tarde en Vista Alegre. No minuto 8 Rikelme consegue o primeiro tanto empunjando o balón dentro da portería desde dentro da área. No minuto 11 Ismael aproveita un fallo defensivo de Albertico que lla pasa ao xogador andaluz concedendo o 2-0 ao conxunto local. Tres minutos despois chega o 3-0 cun golazo incrible de Charly que dispara desde unha posición moi escorada e métea pola escuadra da portería defendida por Beumala. No minuto 14 Jon recorta distancias cun remate frontal a un saque de esquina e dous minutos despois Rubén consegue o 3-2 nun dobre penalti. Tras varias oportunidades por parte de ambos os conxuntos chega o descanso.
Na segunda metade a primeira clara tena Ismael no minuto 23 cun disparo desde a banda que roza a escuadra tras unha boa xogada colectiva e segundos despois pau á escuadra de Isma. Continúa presionando o Pescados Rubén con moi bo xogo de balón dominando aos de Adriá Sánchez durante estes case todo o segundo tempo. No minuto 10 un pau de Isma que tenta metela desde o segundo pau. No minuto 34 Iván case consegue o empate nun balón que salva Isma na liña de meta. No minuto 37 o conxunto de David Rial presiona con saída de porteiro. No minuto 37, tras moitos intentos, Charly consegue o 4-2 coándolla a Beumala entre as pernas tras unha boa recuperación. A dous minutos de rematar o encontro o Sala 5 saca o porteiro xogador con Jon e recorta 4-3 cun gol de Lucho en propia porta defendendo a presión de 5 e sentenciando o encontro.
Ficha Técnica Pescados Rubén Burela FS 4-3 Sala 5 Martorell
Pescados Rubén Burela FS (4): Kaluza; Rikelme, Isma, Alberto, Malaguti -quinteto inicial-, Á. García, Charly Ismael, Lucho (C), Pitero, Quelle, Flethes.
Sala 5 Martorell (3): Beumala; Javi Díez, Termens, Jon, Albertico -cinco inicial-, Graell, Iván Gonfaus, Abdel, Rubén, Rober, Lacambra.
Goles: 1-0, min.8: Rikelme. 2-0, min.11: Ismael. 3-0, min.14: Charly. 3-1, min.14: Jon. 3-2, min.16: Rubén. 4-2, min.37: Charly. 4-3, min.39: Lucho (PP)
Árbitros: Mauricio Bravo Sarango, Eduardo Otamendi Lascarro, Jorge Otero Mira, Eva López Seijas.
TA: Isma, Malaguti, David Rial, Mika, Ismael.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
