Ribadeo, 3 de maio de 2024. O alcalde de Ribadeo, Dani Vega, reclama unha reunión co presidente da Deputación de Lugo para abordar diversos asuntos de interese para o municipio ribadense. O Concello xa solicitou este encontro en 5 ocasións, pero aínda non se atendeu esa petición.
“Ata en 5 ocasións solicitamos unha reunión co presidente da Deputación. A resposta sempre é a mesma: axenda ocupada e negar sistematicamente unha xuntanza con Ribadeo. Non nos parece moi responsable, demostra certa actitude de sectarismo, pero nosoutros non vamos ser a administración que provoque un enfado ou un enfrontamento”, explica o rexedor municipal, que engade: “solicitamos unha reunión porque queremos tratar asuntos que beneficien a Ribadeo, queremos que a Deputación siga investindo e queremos deixar claro que non era unha cuestión de partidos, senón que era unha cuestión de fe e de traballo constante por Ribadeo, unha demostración de querer investir en Ribadeo, non porque gobernaban algúns, senón porque o interese era o pobo de Ribadeo. Por iso nosoutros seguimos nunha liña correcta, que é apertura de portas, colaboración con todas as administracións, pero hai que entender que o Concello solicita reunións coas distintas administracións e hai que responder e atender esa solicitude”.
Dani Vega especifica os asuntos que quere abordar co presidente do organismo provincial: “nós querémoslle plantexar á Deputación certas inversións de interese para Ribadeo, como o mantemento da rede de estradas de titularidade provincial. Todos observamos que hai un abandono constante, unha falla de inversión e de mantemento de limpeza deses vieiros. Hai que ver a diferenza entre as estradas do Concello e as da Deputación. Tamén pedimos a construción dunha pasarela na estrada de Vilela. Temos un problema que debemos solucionar entre todos, deben convivir perfectamente os peregrinos co tráfico rodado e o que non pode acontecer é que haxa un medo constante por parte dos condutores a atropelar un peregrino e o que non pode acontecer é que os peregrinos teñan ese medo e identifiquen como zona de alto risco ese tramo. Polo tanto pedímoslle á Deputación a colaboración e se nos atenden levaremos un proxecto que xa fixemos para construír unha pasarela, como tamén pedimos que se converta a vella estrada de Santa Cruz, que non sabemos moi ben que fai nese abandono, nun miradoiro atractivo e ben coidado”.
O alcalde ribadense tamén pide á Deputación que “colabore con todas as entidades culturais e deportivas co concello de Ribadeo. Creo que o Concello está facendo un esforzo moi importante colaborando con todas estas asociacións, que son un exemplo de boa xestión, de traballo e de amor e entrega por Ribadeo. Tanto os colectivos culturais como os que organiza as festas polas parroquias e na vila tamén e as entidades deportivas todas son un exemplo e nestes momentos están recibindo colaboración por parte do Concello e tamén por parte da Xunta de Galicia”.
“O que se observa nesta explicación que acabo de dar son temas de interese para Ribadeo. Polo tanto pedimos esa reunión de modo urxente porque creo que despois de esperar tantos meses e solicitala tantas veces debe concedérsenos a oportunidade de explicar que investimentos son interesantes por parte da Deputación para Ribadeo”, remata Dani Vega.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
