Rosana Pérez urxe ao conselleiro medidas “para non acabar co marisqueo e entregar o mar ás grandes empresas da acuicultura”
Santiago de Compostela, 15 de maio, 2024. A portavoz de Mar do BNG, Rosana Pérez, emprazou este mércores ao conselleiro do Mar, Alfonso Villares, a dar cumprimento á iniciativa do BNG que foi aprobada por unanimidade ao pasado martes no Parlamento co obxectivo de apoiar ás mariscadoras e os mariscadores ante a situación de sofren pola perda de produtividade das rías galegas dende hai anos e o efecto das choivas dos últimos meses.
“Votar a favor está ben, pero o sector está farto de que lle dean a botón para votar a favor e logo non fagan absolutamente nada”, advertiu a deputada nacionalista ao conselleiro nunha interpelación na que subliñou que “a situación no sector é límite e hai miles de persoas paradas, con moitos bancos marisqueiros pechados”, sen cría suficiente para poder planificar os próximos dous anos e sen que cesen os vertidos ou mellore a calidade das augas.
“O sector está farto de estar desatendido”, reiterou a deputada, advertindo ao conselleiro que os propios traballadores e traballadoras do mar “din que, de seguir así, en menos de 10 anos acábase o marisqueo”. “Eu digo que en dez anos non se acaba o marisqueo, en 10 anos vostede acaban cos mariscadores e polo tanto co principal obstáculo para entregar o mar ás grandes empresas de acuicultura”, advertiu.
Para evitar ir nese camiño, emprazou a dar cumprimento ao acordado na iniciativa do BNG: axudas directas dende outubro e ata que se recupere a actividade marisqueira, creación dun seguro público de produción marisqueira, demandar do Estado a exención das cotas da Seguridade Social para os afectados, atender a situación económica das confrarías afectadas e elaborar, orzamentar e executar un plan plurianual de medidas para comezar a recuperación e a rexeneración das rías.
A deputada da Pobra comezou a súa intervención poñendo de relevo algúns datos significativos, e “devastadores”, de como a produción marisqueira “retrocede brutalmente”. Por exemplo, no ano 2023 recolleuse un 82 % menos de berberecho que a media dos últimos anos, un 76 % menos no caso da ameixa babosa, un 72 % menos de ameixa fina, un 68 % menos de ameixa rubia, e ata un 5 % menos de xapónica, que é a máis resistente.
Unha desfeita que vén de hai anos e que ten provocado que o número de mariscadoras a pé descendese un 18 % nos últimos quince anos, cun Goberno do PP, segundo denunciou a deputada do Bloque, non ten estratexia nin un verdadeiro plan de actuación para recuperar a produtividade das nosas rías. “Están vostedes actuando para outros intereses que están moi lonxe de ser os do sector marisqueiro”, incidiu, acusando ao conselleiro de estar “aplicando tacitamente” a lei de acuicultura que o PP non puido aprobar no 2016 “grazas a que a xente do mar lla tombou”.
“É difícil pensar a estas alturas que todo o que están a facer e que non están a facer é casualidade”, engadiu Rosana Pérez, lembrando neste sentido que malia que o PP prometeu no 2009 ter saneadas as rías, “estamos no 2024 e os vertidos contaminantes e a súa falta de control non van a menos”.
A deputada nacionalista reprobou tamén a xestión na Consellería do Mar, que promete e non cumple e ten cartos que non gasta. Como exemplo disto, destacou que non 2020 se convocaron axudas por 5,2 millóns de euros pola covid, pero só se concederon 142.000 euros, ou que no 2021 anunciaron a posta en marcha dun seguro por perdas de produción do que nada se sabe aínda.
Recentemente, engadiu, anunciaron en plena campaña electoral, cando o marisqueo xa levaba parado tres meses, axudas por valor de 4 millóns euros para 7.300 mariscadores: pagos de 550 euros por persoas das que se beneficiaron só 3.911 persoas, investindo finalmente dous millóns. “Onde están os outros 2 millóns?”, preguntou, para a continuación criticar que aínda non se teñan convocado os 400.000 euros anunciados para paliar as perdas das confrarías, “moitas delas hoxe asfixiadas”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
