O punto de seguridade Caravana Morada está presente na rúa Eijo Garay dende o pasado sábado 1 de xuño, en horario de 23:00 a 7:00
Burela, 3 de xuño de 2024. O Concello de Burela instala, por primeira vez na historia das súas festas patronais, un punto morado para atender ás persoas asistentes en materia de violencia machista, delitos de odio e situacións de vulnerabilidade.
O punto de seguridade Caravana Morada está presente na rúa Eijo Garay dende o pasado sábado 1 de xuño, en horario de 23:00 a 7:00. Hoxe, día 3 de xuño, será a súa última xornada de funcionamento, antes do remate das Festas de Burela deste ano, que terá lugar mañá coa a ofrenda floral en homenaxe ás persoas que faleceron no mar.
A concelleira de Igualdade, Sandra Fernández, destaca “a gran importancia deste servizo, que foi considerado como exemplo de boas prácticas pola FEMP para previr a violencia de xénero a nivel local”.
“É esencial seguir loitando pola igualdade das mulleres tamén no contexto das festas, porque, por exemplo, segundo datos do Ministerio do Interior, de cada seis violacións só se denuncia unha”, sinala a concelleira.
O equipo da Caravana Morada está composto por unha educadora social e mais por unha psicóloga xurídica e sexóloga especializada en xénero e criminoloxía. As profesionais están formadas tamén en primeiros auxilios para atención de baixa intensidade.
Entre as funcións da caravana atopamos as de proporcionar atención psicolóxica e eventualmente acompañar no traslado a un centro médico a vítimas de violencia machista ou delitos de odio, asegurando sempre o anonimato das persoas.
Tamén serve como punto de seguridade para menores de idade, para proporcionar atención social en caso de situacións de vulnerabilidade ou como punto de carga móbil gratuíta para evitar situación de vulnerabilidade de rapazas e rapaces, entre outras funcións.
As profesionais proporcionan tamén información sobre os recursos dispoñibles a nivel local, comarcal, autonómico e nacional segundo as consultas que se lles trasladen. Atópanse en coordinación constante co dispositivo de seguridade das festas.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
