Realizáronse obras de reposición de elementos, como barandas ou escaleiras, e adecentamento das zonas de uso público
Barreiros, 14 de xuño de 2024. A alcaldesa de Barreiros, Ana Ermida, e o concelleiro de medio ambiente, Dámaso Ratoeira, visitaron o Santo Estevo do Ermo para comprobar o estado dos traballos levados a cabo nese espazo para a súa mellora e acondicionamento.
Nas últimas semanas foron realizadas as obras de reposición de firme e escaleiras que sufriran desperfectos durante o inverno a causa da meteoroloxía, una vez que o terreo foi recuperando estabilidade ao reducirse as choivas. Igualmente, realizáronse as labores de mantemento da pista de acceso, arranxando os desperfectos do inverno.
Ademais, comezaron tamén os traballos de desbroces e limpeza das zonas de uso público, de cara a retirar especies alóctonas ou restos de vexetación que invadía os mesmos.
As obras realizadas foron executadas pola empresa Excavaciones Ramsei, SL cun importe de 7.865€. Este investimento vén a sumarse ao realizado nos anos 2021 e 2022, tanto no espazo como no camiño de acceso, ascendendo o total do investimento a máis de 13.000€.
A alcaldesa, Ana Ermida, manifestou “o esforzo de investimento que se vén realizando neste espazo desde o 2019, cando se volveu a realizar o mantemento e investimento polo Concello, conscientes da importancia social, cultural e medioambiental que posúe e o simbolismo que ten na veciñanza de Barreiros”.
A rexedora sinalou tamén que se está a realizar por parte da Mancomunidade da Mariña un estudo de carga do espazo, “conscientes da fraxilidade do mesmo e dos perigos que unha excesiva ocupación pode conlevar”.
Neste sentido, Dámaso Ratoeira lembrou que se teñen sinalizado tanto no acceso principal como no inicio da ruta os perigos existentes e as recomendacións de visita, incidindo na educación ambiental e no respecto a un entorno cun valor ecolóxico importantísimo.” Como exemplo citou a “cantidade de especies de fentos existentes nun espazo tan reducido, só superado en cantidade polas Fragas do Eume, cunha dimensión moito maior”.
Desde o Concello de Barreiros convidan a visitar este espazo con consciencia do lugar que se vai atopar, cunhas condicións de acceso determinadas e cunha necesidade de coidado e respecto fundamentais para a súa conservación, utilizando exclusivamente os sendeiros marcados para a visita. As persoas visitantes poden atopar toda a información en tres paneis colocados na zona de entrada á capela e ás mesas da área de descanso.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
