Grazas a este servizo a institución provincial garante a atención domiciliaria gratuíta, durante os 365 días do ano, a cerca de 2.000 veciños e veciñas dos 67 concellos da provincia que teñen dificultades na súa autonomía
Lugo, 21 de xuño de 2024. A Xunta de Goberno da Deputación de Lugo aprobou este venres a adxudicación, por 380.290,80€, do contrato para a prestación do servizo de Teleasistencia domiciliaria as 24 horas que que ofrece a institución provincial. A Voceira socialista, Pilar García Porto, informou que a empresa adxudicataria é Servizos de Teleasistencia SA e a duración do contrato será de 1 ano coa posibilidade de prorrogalo de forma anual 3 veces máis, ata un máximo de 4 anos.
“Este é un dos piares da nosa rede de protección social, xunto cos centros públicos de atención ás persoas maiores e o financiamento do Servizo de Axuda no Fogar nos concellos de menos de 20.000 habitantes da provincia”, valorou a Deputada. Engadiu que grazas a este servizo, a Deputación garante atención domiciliaria gratuíta as 24 horas, os 365 días do ano, a cerca de 2.000 veciños e veciñas dos 67 concellos da provincia que teñen dificultades na súa autonomía.
Nese sentido, apuntou que a Teleasistencia “é unha forma de favorecer a permanencia, o arraigo e a integración no entorno familiar e social destas persoas, sobre todo no rural”, porque os usuarios deste servizo e as súas familias “viven con máis tranquilidade, pois saben que contan cun sistema de chamada para recibir atención en calquera momento”.
Lembrou a Deputada que a Teleasistencia consiste na instalación dun dispositivo no domicilio das persoas usuarias que permita a mobilización de recursos ante unha situación de emerxencia e necesidade, pero tamén sirve para facer seguimento ás persoas que o necesiten.
Primeira matrícula gratuíta nos graos superiores de Audiovisuaus
A Xunta de Goberno aprobou tamén, “como todos os anos”, a gratuidade da primeira matrícula dos ciclos formativos de grao superior que imparte o Centro de Formación de Audiovisuais da Deputación de Lugo. “A gratuidade é para os ciclos de Realización e Produción, e no caso do alumnado repetidor, a tarifa sinalada e vixente continúa sendo de 600€”, explicou García Porto.
Detallou a Deputada que “este centro é o único da provincia que imparte ensinanzas superiores de Audiovisuais” e lembrou que o prazo de preinscrición para o curso que vén xa está aberto ata o vindeiro 5 de xullo. As persoas interesadas poden presentar a súa solicitude presencialmente na sede do centro (na rúa Frei Plácido Rei Lemos, en Lugo) ou de xeito telemático a través do apartado de Audiovisuais da páxina web da Deputación de Lugo.
A matrícula poderá realizarse do 17 ao 22 de xullo e no caso de que queden prazas sen cubrir, abrirase un período de matrícula extraordinaria desde o 23 xullo ata completar o número total.
Proceso de selección para a contratación de empregados públicos
Aberto un novo proceso de selección para a contratación de empregados públicos que prestarán servizo na Deputación de Lugo de forma temporal. Concretamente, a Xunta de Goberno deste venres aprobou unha nova convocatoria e as bases específicas para a creación de catro listas de emprego temporal para desenvolver os seguintes postos de traballo: Un peón ou peoa para a reparación de vías provinciais, adscrito ó Parque Móbil; un maquinista condutor; un psicólogo ou psicóloga; e un auxiliar administrativo.
Trátase dun proceso selectivo de concurso- oposición para a elaboración de listaxes que atenderán as necesidades urxentes de persoal temporal da institución provincial. Tal e como explicou Pilar García Poro, ao día seguinte da publicación da convocatoria e as bases no Boletín Oficial da Provincia, as persoas interesadas xa poderán presentar as súas solicitudes.
“Dende a Deputación de Lugo temos un firme compromiso co emprego de calidade, e co reforzo dos servizos públicos”, sinalou a Deputada, que engadiu que “como sempre di o noso Presidente, os traballadores e traballadoras públicos son o principal activo co que conta a Administración”.
Oficina técnica para reforzar a seguridade informática
Aprobada tamén a licitación para a contratación do servizo dunha oficina técnica de seguridade da información e protección de datos. A institución provincial inviste 399.300€ na contratación deste servizo, que terá unha duración de 2 anos, coa posibilidade dunha prórroga anual. “Trátase dun contrato que fixemos por primeira vez o ano pasado e agora tratamos de darlle continuidade”, explicou Pilar García Porto. Apuntou que o que se pretende con este servizo “é reforzar a seguridade da Deputación de Lugo a nivel de sistemas de información, establecendo novas medidas de seguridade nos sistemas informáticos que completan as que xa temos”.
“Queremos que a seguridade TIC sexa unha parte integral e transversal á Deputación, porque consideramos que protexernos das ameazas e os ciberdelitos é algo moi importante no traballo diario da Administración, pola información –ás veces de carácter sensible- que manexamos”, sinalou a Voceira, quen avanzó que tamén servirá para protexer os datos e a información de carácter persoal.
Lembrou os pasos que a institución provincial deu estes anos en materia de ciberseguridade, como formar parte de Ciber.gal –no que coa Xunta e o resto de deputacións de Galicia fan fronte común para garantir a Ciberseguridade das Administracións públicas-, aprobar unha nova política de seguridade ou a creación dun comité de Seguridade da Información.
Este servizo incluirá xornadas formativas e de concienciación en materia de seguridade para os traballadores, auditorías internas e a creación dunha oficina de apoio e un servizo de resposta ante ciberincidentes.
Polígono de Chantada
Na Xunta de Goberno desta mañá tamén quedou aprobada a adxudicación directa da parcela número 45 do polígono industrial dos acivros, en Chantada, á empresa Biomiño SL por 49.253.78 €. Desta forma, a día de hoxe, no polígono de Chantada están vendidas máis do 80% das parcelas dispoñibles, 40, e quedan outras 9, que xa están solicitadas.
“Un dato que pon de manifesto a boa xestión que estamos facendo dende a Deputación de Lugo nesta materia, suplindo, unha vez máis, as carencias da Xunta de Galicia, que é a administración que, por Lei – segundo o Estatuto de Autonomía- ten as competencias en industria”, valorou García Porto.
Programa de Dotación e Mellora de Servizos Comunitarios
Visto bo tamén ao último paso administrativo para o pago de dúas subvencións dentro do Programa da Deputación para a Dotación e Mellora de Servizos Comunitarios. Por unha parte; 6.000€ á asociación de veciños de Parteme, no concello de Quiroga, para unha axuda que serviu para o acondicionamento e recuperación dun espazo público en Parteme. Por outra; 5.695€ á Mancomunidade de Montes Veciñais Regueiral y Eiros, nas Nogais, para a mellora da accesibilidade no lugar de Torés.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
