Ribadeo, 26 de xuño de 2024. Alumnado do ciclo de atención a persoas en situación de dependencia, do Centro Integrado de Formación Profesional (CIFP) Porta da Auga, de Ribadeo, e as profesoras Belén Blanco e Eva Cabanelas, desenvolven un proxecto sobre a accesibilidade de diferentes espazos, públicos e privados, do municipio ribadense. Esta iniciativa, denominada Diverspazo, inclúe a colocación de sinalización específica cun código QR, a través do que se enlaza cunha web que elaboraron para ofrecer información sobre os inmobles municipais e lugares públicos que están adaptados para todas as persoas, incluso as que teñen reducida a súa mobilidade. Este proxecto, incluído no programa Lanzadeiras da Xunta de Galicia, conta coa colaboración do Concello de Ribadeo e na presentación estiveron o alcalde, Dani Vega, e a concelleira Montse Seijo.
A profesora Belén Blanco explica que no primeiro curso do ciclo de atención a persoas en situación de dependencia crearon “un proxecto relacionado coa diversidade de todo tipo, pero principalmente coa física, centrámonos na motora. Consiste en analizar os diferentes espazos do concello de Ribadeo para ver cales serían accesibles a persoas que teñen algún tipo de diversidade. Isto garda relación con varios módulos que teñen no ciclo, pero o meu en concreto é características e necesidades. Elaboramos unhas enquisas, que mandamos por Google Forms a máis de 50 centros e entidades que traballan no ámbito da diversidade ou das persoas maiores. Con esas enquisas pretendíamos conseguir información acerca de que é o que fan para organizar excursións e saídas. E comprobouse que están un pouco descontentos porque non todos os espazos aos que quererían ir poden ser disfrutados por completo polas persoas con diversidade, porque ao mellor nun museo podes ir á primeira planta, pero á segunda ou a certas salas non podes chegar con algúns usuarios porque non hai medidas que debería. E non é só unha rampla, como deixaban moi claro nas enquisas”.
Neste proxecto tamén se ocupan da accesibilidade nos espazos naturais: “hai praias que teñen un corredor de madeira, pero non dispoñen dunhas cadeiras anfibias para meterse na auga, por exemplo. Ou teñen unha zona na que comer, pero non hai uns corredores en condicións para que eles poidan acceder”, engade Belén Blanco, quen tamén comenta: “a partir das enquisas detectouse que para saber se os espazos cumpren uns requisitos os que traballan con persoas con diversidade contactan con coñecidos que lles contan que foron a determinado sitio porque está ben, ten baños accesibles, na cafetería hai espazo para as cadeiras de rodas, etcétera. Incluso o propio traballador, se é moi implicado, vai aos lugares antes para revisalo, o que supón un gasto de diñeiro e de tempo. Na enquisa comentaron que internet é o que menos se usa para consultar isto. Entón pensamos que se podería crear unha páxina web e fixemos unha landing page, algo moi humilde. Pero a idea é que a longo prazo nesa páxina web aparecesen lugares accesibles de restauración, espazos públicos, museos, etcétera, de toda Galicia, localizados por provincias e por concellos. E que incluso houbese algunha ruta deseñada co que poderían facer nesa localidade todas as persoas, para que saiban a que lugares poden ir a disfrutar realmente”.
A profesora que dirixe esta iniciativa aclara: “o que fixemos foi o proxecto de creación desta mini empresa, á que chamamos Diverspazos. Isto vai dentro dun programa denominado Lanzadeiras e o que temos que facer é explicar en que consiste o proxecto”.
E o alcalde de Ribadeo, Dani Vega, lembrou que “o Concello está traballando na mellora da accesibilidade de todos os edificios públicos: na Escola Municipal de Música imos construír un ascensor, imos eliminar a rampla lateral, como tamén vamos mellorar moitos espazos naturais, puntos turísticos, como pode ser O Cargadeiro, Illas, Castros, onde melloraremos todo o que poidamos, o que nos permita Costas; tamén na praia das Catedrais e nos distintos espazos públicos que temos en Ribadeo e seguir paulatinamente, pouquiño a pouco, mellorando os edificios municipais”.
O Concello colaborará co CIFP Porta da Auga neste proxecto: “naqueles edificios e lugares onde xa hai esa accesibilidade vaise colocar ese panel para que haxa esa información total e absoluta dos espazos públicos e dos espazos ao aire libre que teñan esa accesibilidade, e tamén privados na vila de Ribadeo”.
Dani Vega manifestou tamén: “trátase dunha iniciativa que conta co apoio do Concello de Ribadeo. Quero agradecer o traballo do Porta da Auga, moi importante neste ámbito e en moitos máis; está facendo unha grande labor este centro. Conta coa axuda do Concello e vamos seguir colaborando e facendo fincapé na mellora da accesibilidade”.
O alcalde anunciou ademais: “imos traballar nun foro para falar sobre estes asuntos tan importantes para todos e tamén vamos facer esa guía onde se poidan visualizar perfectamente eses espazos públicos e privados onde melloramos, onde xa existe esa accesibilidade”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
