A conselleira María José Gómez visitou hoxe unha explotación na Pastoriza que forma parte desta indicación xeográfica protexida
A Pastoriza, 3 de xullo de 2024. A conselleira do Medio Rural, María José Gómez, acompañada polo alcalde da Pastoriza, Darío Cabaneiro, visitou esta mañá unha explotación de gando vacún desta localidade e que forma parte da Indicación Xeográfica Protexida (IXP) Ternera Gallega, motivo polo que recibiu as achegas convocadas por primeira vez neste 2024 para apoiar aos produtores amparados por este selo de calidade diferenciada ás que se destinaron case 12 millóns de euros e se pagaron na súa totalidade con fondos propios da Xunta.
A explotación de David Pérez, na que produce carnes baixo o distintivo de Ternera Gallega Suprema, conta con máis de medio centro de animais e é unha das 4.578 beneficiadas das achegas convocadas pola Xunta. O obxectivo destas axudas é o de contribuír a paliar os sobrecustos que supoñen este tipo de producións.
A titular do Medio Rural puxo en valor a excelente calidade destas carnes, recoñecidas a nivel nacional e internacional, e por iso destacou a importancia de apoiar aos seus produtores para seguir mantendo os niveis de excelencia acadados tanto en Ternera Gallega como en Ternera Gallega Suprema. Por iso, afirmou nesta visita que se demandará ao Ministerio de Agricultura, Pesca e Alimentación que estas axudas poidan ir ligadas á Política Agraria Común e así implementalas dun xeito xeralizado para continuar apoiando este eido produtivo.
Así mesmo, María José Gómez resaltou a importancia do sector cárnico para a economía galega, xa que é unha das maiores fontes de emprego e actividade que ten a nosa comunidade no rural con máis de 43.000 explotacións e preto de 200 industrias, onde a IXP Ternera Gallega conta cunha gran relevancia e, polo tanto, o apoio que recibe redunda na consolidación do agro en Galicia.
Estratexia de dinamización do sector cárnico
No ano 2023 presentouse a Estratexia de dinamización do sector cárnico co obxectivo de perfilar unha serie de metas e medidas cun único fin, situar a Galicia como rexión de referencia na produción de carne, cun alto nivel de competitividade e sustentabilidade. De feito, o 57 % da carne de vacún que se comercializa en España baixo unha denominación de calidade está amparada polo selo de Ternera Gallega.
Estas axudas, ademais de paliar os sobrecustos, serven para avanzar no desenvolvemento desta estratexia, especialmente naqueles puntos relacionados coa calidade, o benestar e a adaptación ás novas demandas do consumidor.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
