Burela, 6 de xullo, 2024. O IES Perdouro de Burela acaba de recibir unha dotación de 50.000 € para un proxecto no que se mellorará a realización de actividades cotiás de persoas con necesidades especiais.
Trátase dun proxecto de innovación e investigación en fabricación aditiva que se enmarca dentro do Plan de Recuperación, Transformación e Resiliencia do Ministerio de Educación, Formación Profesional e Deportes, financiado pola Unión Europea (Next Generation EU).
Nesta actuación o IES Perdouro colabora co Institut Pompeu Fabra de Badalona e ambos reciben a mesma dotación para recibir formación de 3DZ ABCIZE SL de Derio (Biskaia). Esta empresa especializada en impresión 3D e fabricación aditiva tamén fornecerá as máquinas coas que se fabricarán os útiles que teñen como propósito facer a vida máis fácil a persoas con necesidades especiais. Ao mesmo tempo, a información para detectar estas necesidades sociais procederá de institucións sen ánimo de lucro.
Os obxectivos principais do proxecto son variados pero conflúen nunha finalidade central: mellorar a calidade de vida das persoas con discapacidade e promover a igualdade de xénero no ámbito das tecnoloxías da información e da comunicación (TIC). Para conseguilo, o proxecto atenderá a diferentes fins:
Deseñar solucións 3D para persoas con discapacidade: un dos principais obxectivos é empregar tecnoloxía de deseño e impresión 3D para desenvolver obxectos e dispositivos que aborden os desafíos específicos aos que se enfrontan as persoas con discapacidade na súa vida diaria. O compromiso é identificar e crear solucións prácticas que teñan un impacto significativo na súa autonomía e confort.
Colaborar con Entidades sen ánimo de lucro: Preténdese colaborar estreitamente con entidades sen ánimo de lucro, como a Fundación Pere Mitjans, a Fundación Síndrome de Down e a ONCE, que participan directamente no apoio ás persoas con discapacidade. Estas organizacións facilitarán información valiosa sobre as necesidades específicas dos seus beneficiarios e servirán de enlace para poñer as nosas solucións ao servizo de quen máis o precisa.
Vincular os estudantes coa realidade: a través deste proxecto, búscase ofrecer aos estudantes unha experiencia de aprendizaxe única, implicalos activamente na identificación de retos, o deseño de solucións e a fabricación de obxectos reais mediante tecnoloxía avanzada, como a impresión 3D. Isto permitiralles relacionar os seus coñecementos académicos con situacións do mundo real, promovendo a aprendizaxe práctica e a empatía.
Desenvolver un proxecto social en fabricación mecánica: moitas veces, a fabricación mecánica e os proxectos sociais parecen estar en extremos opostos. Non obstante, o obxectivo é reunilos, demostrando que a tecnoloxía e a enxeñaría poden ter un impacto positivo na sociedade. Quérese mostrar como a fabricación mecánica pode ser unha poderosa ferramenta para abordar os problemas sociais e mellorar a vida das persoas.
Promover a Igualdade de Xénero nas TIC: Recoñecer a importancia de pechar a fenda de xénero no ámbito das tecnoloxías da información e da comunicación. Polo tanto, o compromiso é fomentar a igualdade de xénero, animando activamente ás mulleres a participar en proxectos de tecnoloxía e de fabricación e proporcionando un ambiente inclusivo onde todos os estudantes poidan contribuír e aprender, independentemente do seu xénero.
En resumo, o proxecto busca integrar creatividade, tecnoloxía e compromiso social para mellorar a vida das persoas con discapacidade, empoderar ao alumnado e promover a igualdade de xénero no apaixonante mundo das tecnoloxías da información e da comunicación.
Ambos centros, o IES Perdouro de Burela e o Institut Pompeu Fabra de Badalona, móstranse entusiasmados co potencial transformador desta iniciativa e o impacto positivo que pode ter na sociedade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
