Como comentaba noutro artigo despois do debate sobre o Estado da Nación no pasado mes de xullo, o PP e Rajoy, estaban de noraboa, posto que sen facer ningún mérito, só adicándose a esperar, os ventos corrían ao seu favor. O actual goberno desgastase, e o PP sen dicir que medidas e de que tipo deberían tomarse, vía aumentar as súas expectativas electorais e situándose en claros gañadores dunhas posibles xerais. Os asesores do Sr. Rajoy chegaron a dicirlle que non tomara ningunha decisión e que non dixera nada novo, só aquelo de que “o goberno está esgotado e queremos eleccións xerais xa”. Xa tiñan a Moncloa ao alcance da man, só esperar, canto menos tempo mellor. Sería bo pensar que as lexislaturas duran ou deben durar catro anos que é o tempo que os electores lle dan a un goberno.
Neste senso, na actual semana, están ocorrendo cousas que empezan a preocupar a Rajoy, que deberá mudar a estratexia. En primeiro lugar o goberno chegou a un acordo cos grupos do PNV e de CC (Coalición Canaria), para aprobar os orzamentos e polo tanto poder chegar ata o 2012. Terán que estar outro ano e medio coa mesma cantinela, parece que é demasiado tempo sen dicir nada, ata o momento xa perderon 4 conselleiros e o vicepresidente da comunidade de Canarias, rompendo o goberno desa comunidade en desacordo polo apoio de C.C. aos presupostos do Estado.
Segundo golpe na mesma semana, Zapatero fai unha profunda renovación do goberno, dándolle un perfil máis político, e pensado que o novo goberno vai facer máis pedagoxía e transmitir mellor aos cidadáns o traballo. Formando un goberno cunha ideoloxía máis próxima aos sindicatos e máis de esquerdas. Esta segunda medida volve a deixar a Rajoy en fóra de xogo. A súa reaccións foi, máis do mesmo: pedir outra vez eleccións xerais; parece que non teñen nada máis que dicir.
A estas horas o equipo de Rajoy, aquel que lle propoñía que se adicara a deixar pasar o tempo, terá que estar esmagándose os miolos para mudar a estratexia, porque evidentemente outro ano dicindo o mesmo pódese facer moi repetitivo e podería conducilo a perder as terceiras eleccións xerais seguidas. Esto sería un grave traspés para a dereita. Os coríferos da dereita mediática non poderían soportar unha nova derrota electoral. Cando en algunha das próximas enquisas electorais comproben que a distancia volve a recortarse, poranse moi nerviosos e pedirán a cabeza de Rajoy e das medianias que o acompañan na dirección de PP. “Ano e medio en política” como dixo Zapatero é moito tempo, máxime cando a oposición non ten nada que dicir. Volve a haber partido e nos próximos dezasete meses, ata marzo do 2012, viviremos os españois unha etapa diferente.
Pedro Chao Polo
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
