Nota de prensa:
O CONCELLO ACOMETE A REMODELACIÓN DA PISTA DE PATINAXE NA RÚA DA VEIGA DE SAN CIPRIÁN
* O custe da actuación ronda os 58.000 euros e está financiada pola Xunta de Galicia
Cervo, 21 de outubro de 2010.- O alcalde de Cervo, Alfonso Villares, e o concelleiro de Deportes, Rubén Fernández, veñen de anunciar que o Concello está acometendo obras de mellora e amaño da pista de patinaxe existente nas inmediacións da estación de Feve da localidade de San Ciprián grazas a unha subvención concedida pola Secretaría Xeral para o Deporte da Xunta de Galicia.
Segundo indicou o alcalde, o obxectivo do Goberno local é aproveitar a situación céntrica desta pista para axeitar as súas instalacións para fomentar a práctica do patinaxe e do skate entre os rapaces e rapazas do municipio.
“As actuais instalacións das que dispoñemos nesa área necesitaban dalgún que outro amaño debido ao paso do tempo. Dende hai xa tempo levabamos pedindo reiteradamente axudas á Xunta para acometer esta obra e desgraciadamente o Goberno bipartito autonómico nunca foi sensible a estas peticións. Afortunadamente isto trocou, e por iso temos que agradecer á Secretaría Xeral para o Deporte o financiamento para levar adiante esta actuación” indicou o rexedor.
Pola súa parte, Rubén Fernández sinalou que o Concello ten pensado actuar nesta parcela “para convertela nun punto de encontro da práctica deportiva espontánea dos mozos e mozas; e tamén para que se poda dispoñer dela para levar a cabo actividades programadas dende as Escolas Deportivas Municipais xunto con actividades máis específicas e propias do verán coma competicións ou probas destas especialidades deportivas” sinalou o edil de Deportes.
ACTUACIÓNS
As obras previstas teñen un orzamento de 57.887 euros e abarcarán o acondicionamento dun total de 1.880 metros cadrados de superficie. A área, ademais de ser urbanizada e valada no seu perimetro, disporá dunhas novas ramplas e elementos deportivos de formigón para a práctica do patinaxe e do monopatín (skateboard) que virán a substituír aos que existen actualmente -feitos en madeira- que debido ao seu estado impedían desenvolver a práctica deste deporte.
A actuación completarase coa construción duns novos accesos, así coma dunha nova iluminación e da canalización para a recollida de augas pluviais. Os traballos tamén inclúen o acondicionamento dos arredores e a dotación de bancos e mobiliario urbano.
“Pretendemos darlles a oportunidade aos rapaces e rapazas para que se adentren na práctica dun deporte non moi coñecido na comarca; ao tempo que lles proporcionamos unhas instalacións para que melloren a súa condición física e se afasten do sedentarismo ou dos malos hábitos” sinalou o concelleiro de Deportes. Pola súa banda, o alcalde cualificou de “prioritario” para o equipo de Goberno local as xestións encamiñadas para facilitar a práctica do deporte en tódolos ámbitos da sociedade “e por isto este novo investimento” recalcou Villares.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
