Os populares explican que o equipo de goberno nin sequera respondeu ás preguntas sobre estas melloras que veñen reclamando reiteradamente e poucos días despois do pleno a solución que aportaron foi retirar os bancos deteriorados e os maceteiros cheos de malas herbas da Ponte de Pedra
Lourenzá, 8 de agosto de 2024. Os concelleiros do PP de Lourenzá condenan “a falta de interese” do goberno municipal por mellorar e acondicionar os espazos públicos, limpar e reparar o mobiliario urbano, que se evidencia en “farolas rotas ou tiradas dende fai anos, baldosas levantadas que poden supoñer riscos de posibles caídas nas beirarrúas, bancos deteriorados, etc.”.
Os populares advirten “do absoluto pasotismo” do goberno socialista ao respecto cando no último pleno a resposta a unha pregunta dos concelleiros do PP sobre estas melloras “pendentes dende fai meses nalgúns casos e, incluso, anos noutros casos” foi “o silencio: nin un si, nin un non, nin sequera un xa veremos…”.
Con todo, si consideran sorprendente que “uns días despois do pleno, a solución que dera o equipo de goberno a algunhas das nosas reclamacións fora sacar do seu lugar algúns dos elementos que pediamos limpar e reparar”. É o caso dos bancos deteriorados e os maceteiros cheos de malas herbas na ponte da Pedra. “Quitáronos do sitio para evitar o seu mantemento e non dan que falar”, sinalan.
O Grupo Municipal Popular cre que “entristece aos laurentinos que o noso concello proxecte unha imaxe de sucidade e abandono” que “xa se podería ter corrixido dende o tempo que levamos reiterando a necesidade de acometer este tipo de melloras para ofrecer unha imaxe acorde á historia e beleza de Lourenzá”.
Os populares poñen como exemplo o que poden apreciar os peregrinos á súa entrada ao municipio onde dispoñen dunha escultura na súa homenaxe que, na actualidade, presenta pintadas. Igualmente, explican que “a maleza sobresae nas fincas en pleno centro urbano proxectando mala imaxe e incomodidades a veciños e visitantes”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
