A Xunta de Goberno deu luz verde a un convenio de colaboración entre a institución provincial, o Concello e Augas de Galicia para aumentar a capacidade hidráulica do río Fontecova nun tramo de algo menos de 300 metros
Lugo, 9 de agosto de 2024. A Xunta de Goberno da Deputación de Lugo aprobou este venres investir máis de 190.000€ nunha obra que solucione as inundacións do barrio viveirense da Xunqueira. Así o informou a Voceira socialista, Pilar García Porto, quen avanzou tras a sesión semanal que o convenio de colaboración entre a institución provincial, o Concello e Augas de Galicia fará posible o proxecto para aumentar a capacidade hidráulica do río Fontecova nun tramo de algo menos de 300 metros.
“Este novo compromiso, que adquirimos co Concello de Viveiro, enmárcase na nosa política de máxima cooperación con todos os concellos da provincia para que poidan ofrecer máis e maiores servizos ós seus veciños e veciñas”, argumentou García Porto. Engadiu tamén a Deputada que con esta colaboración “facemos posible que este concello mariñán poida afrontar o investimento que pide a Xunta de Galicia para acometer esta actuación tan necesaria. Unhas obras que terán un impacto enorme na vida da veciñanza e que evitarán traxedias como a que se viviu en novembro do 2018”.
Explicou a responsable provincial que entre as actuacións máis relevantes está prevista: a ampliación do leito do río, con novos muros de contención; a renovación e ampliación da ponte existente pouco máis arriba da estrada autonómica LU-540; a creación dunha obra de drenaxe pegada á ponte medieval Camiño da Fonte; a instalación dunha nova zona verde ao final da rúa na que se situará a fonte pública; e o traslado do actual lavadoiro, que se instalará máis abaixo do curso do río.
Programa de Dotación e Mellora de Servizos Comunitarios
Por outra banda, a Xunta de Goberno tamén aprobou o último paso administrativo para o pago de 6 subvencións dentro do programa da Deputación para a Dotación e Mellora de Servizos Comunitarios. En total son máis de 34.000€ para diferentes entidades dos concellos do Páramo, Viveiro, Friol, Riotorto e Cervantes. Un investimento da institución provincial que fixo posible diferentes actuacións importantes para a veciñanza destes municipios:
-Instalar o valado do campo da festa de Friolfe. 6.000€ á Asociación veciñal San Xoán de Friolfe (O Páramo).
-Acondicionar o campo de San Pedro en Lamas de Toxo. 6.000€ á Mancomunidade de montes Lamas de Toxo (Viveiro).
-Mellorar a área de descanso Tras a devesa. 6.000€ á Mancomunidade de montes O Faro (O Páramo).
-Acondicionar e dotar o centro social de Carballo. 4.691,73€ á Mancomunidade de montes de Carballo (Friol).
-Humanizar a contorna da fonte de Regocorto. 6.000€ á Asociación veciñal Santa Comba da Órrea (Riotorto).
-Mellorar o camiño veciñal de Deva. 5.483,11€ á Agrupación veciñal de Deva (Cervantes).
Estas achegas da Deputación son as últimas que quedaban por xustificar da segunda edición da liña de axudas deste programa que como sabedes naceu hai 3 anos e para o que se destinan cada ano 300.000€. “Un programa que está funcionando moi ben”, tal e como valorou García Porto, que lembrou que está dirixido a asociacións e agrupacións de veciños e veciñas, comunidades de usuarios e usuarias de augas, comunidades de montes ou asociacións de gandeiros, agricultores ou produtores forestais dos 67 concellos da provincia.
O obxectivo desta liña de axudas é poder realizar –con achegas que oscilan entre os 1.000 e os 6.000€- investimentos en inmobles ou equipamentos que permitan mellorar a calidade de vida dos veciños e veciñas, unha cuestión que, sen dúbida, é fundamental para fixar poboación no rural.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
