O concelleiro responsable da banda, Jesús Fernández, aclara que o Goberno local a “vai seguir apoiando, como fixo ata agora”
Viveiro, 21 de agosto de 2024. O Concello de Viveiro reafirma o seu compromiso coa Banda de Música O Landro de Viveiro, á que “vai seguir apoiando, como fixo ata agora”.
O concelleiro responsable da banda, Jesús Fernández, destaca que “dende 2015 aportamos á banda case 300.000€, con 25.000€ cada ano exceptuando o 2023, no que non foi posible ao non poder contar con orzamentos municipais ese ano”.
“Pedimos desculpas polas molestias ocasionadas co retraso de 2023, pero ao gobernar en minoría non puidemos ter os orzamentos cando quixemos, e a lei impide dar subvencións nominativas como esta cos orzamentos prorrogados”, explica o edil.
Fernández apunta que “no 2023 o Concello non contou con orzamentos pola tardanza en conformarse o Goberno, polo que ningunha asociación puido recibir as súas subvencións nominativas”.
“Tratamos dende o minuto 0 de solventar dalgún xeito este problema para as asociacións, pero non foi posible, e se presentou un orzamento a finais de 2023 que foi rexeitado pola oposición na corporación municipal”, indica o concelleiro.
“No pleno do 5 de xullo conseguimos sacar adiante un acordo co grupo Por Viveiro para os orzamentos, despois de que a alcaldesa conseguise unha subvención da Deputación de Lugo que entre outras cuestións incluía a das subvencións aos colectivos”, engade.
O edil subliña que xa hai consignados no orzamento do ano 2024 “422.000€ para estes colectivos, entre eles a Banda de Música, á que se lle asignou este ano preto de 50.000€, unha cifra que inclúe as partidas tanto do ano 2023 como do ano 2024”.
A Banda de Música, afirma o concelleiro, “está a punto de asinar o convenio para poder solicitar un anticipo, e antes do mes de decembro, xustificar tanto facturas do ano 2023 como do ano 2024”.
“Eu brindeime dende o primeiro momento a colaborar con eles e o sigo facendo, apoiando todas as iniciativas que nos propuxeron, como os obradoiros de verán, os certames de bandas, actuacións”, enumera Fernández.
“Non queremos entrar en polémicas, para nós a banda é todo un referente, con máis de 100 anos de historia, e agradecemos a súa colaboración co Concello”, indica. “Só queremos aclararlle aos veciños e veciñas, porque así nolo demandan, que o Concello sempre buscou colaborar con todos os colectivos e o seguirá facendo”, engade.
“Estamos moi agradecidos ao director Carlos Timiraos, que despois de 9 anos puxo fin á súa traxectoria coa banda, polo gran traballo realizado coa mesma, e desexamos que teña moitos éxitos na súa carreira”, conclúe o edil.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
