Foz, 7 de setembro de 2024. As oficinas de turismo de Foz e o Centro de Interpretación da Basílica de San Martiño atenderon desde xuño ata agosto deste ano a mil persoas máis con respecto ao verán anterior.
A concelleira de Turismo, Kathy Navarro, destaca que “ano tras ano o concello de Foz ve en claro aumento as súas cifras de turismo, atraídos polas impresionantes praias e tamén polo patrimonio histórico e a oferta cultural”.
Kathy Navarro especifica que “sigue liderando o turismo nacional, que supón un 87 por cento dos visitantes achegados a estes centros, fronte ao 12% do turismo internacional. No turismo nacional Madrid segue encabezando a lista da porcentaxe de visitantes que se achegan en verán, seguida de Galicia e Asturias, que van incrementando a súa presenza no concello. Tamén aumentan os turistas de Castela e León e en menor medida pero presentes están os visitantes do País Vasco. En canto aos estranxeiros sen dúbida a maior procedencia é de Francia, cun 45 por cento, fronte a Inglaterra, Italia e Portugal, que teñen presenza pero en menor medida, cun 12% de media cada un. O índice de pernoitas nos aloxamentos turísticos roza o 100% e continúan en aumento os visitantes do sur da península, debido as diferenzas nas temperaturas. Os turistas achéganse aos puntos de información do Concello de Foz en busca de información sobre Foz, A Mariña, rutas, aloxamentos, restaurantes e actividades de ocio”.
E o alcalde de Foz, Fran Cajoto, fai un balance moi positivo dun sector que está a reactivar a economía do concello: “ano a ano estamos a medrar e temos que pensar tamén en sustentabilidade. O Concello está a facer un esforzo moi importante, xa que 28 profesionais contratados polo Concello reforzaron os servizos públicos, pero vemos que non é suficiente. Veciños e visitantes trasládannos que debemos acelerar na mellora e coidado das rúas, por iso estamos a programar inversións que precisan de recursos”.
O rexedor municipal de Foz reclama que a Xunta de Galicia permita recadar ao Concello unha taxa turística, que “aportaría fondos para mellorar os servizos e que non só empadroados e propietarios sufraguen o que tamén desfrutan os visitantes. Concellos de toda España estano a facer e con éxito, pero en Galicia estamos vetados. Pasado o verán é momento de facer análise e reflexión, ver como debemos mellorar e tamén como facelo: precisamos as ferramentas”.
A ocupación hoteleira pero tamén outros datos invitan ao optimismo: “seguimos aumentando o número de empadroados, o cal é o dato máis positivo que un alcalde procura, aumentar a poboación que vive en Foz durante todo o ano. Vemos que se reactivan promocións inmobiliarias que estaban paradas e que se inician outras novas. En Foz hai dinamismo e debemos favorecelo e acompañalo. Necesitamos unha reflexión sobre a vivenda turística e como compatibilizala para favorecer alugueiros a prezos asequibles, tamén con vivenda pública. Pero con estes datos positivos os retos afróntanse con máis ilusión se cabe”, destaca Fran Cajoto.
Este domingo, día 8 de setembro, finalizará o servizo de vixilancia nas praias e o alcalde de Foz quere tamén destacar o esforzo de todo o persoal municipal durante o verán, tanto o de reforzo como os operarios habituais que retrasan incluso as súas vacacións para axudar no coidado do pobo. “Moitos traballan para que outros desfrutemos. Quero agradecer a tarefa de todos aqueles que desde as sete da mañá se encontraban limpando o que outros ensuciamos. No servizo de salvamento volvemos ter un verán sen incidencias graves grazas á profesionalidade de socorristas e auxiliares, que estiveron vixiantes especialmente coa aparición da carabela portuguesa nas nosas costas”, remata Cajoto.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
